نزولا علي رغبه القراء والجمهور هنفتح صفحه سؤال وجواب علي هيبقي يرد علي الاسئله لو حد عاوز يسال يعني
كل عضو مسموحله بسؤالين كحد ادني وعشره كحد اقصي في المشاركه الواحده غير كده هتضطر اداره المدونه منع المخالفات
مع تحيات ادراه المدونه وعلي صريح
مع تمنياتنا للجميع بالتوفيق
 | الاسطوره on في ليله عيد مضت |
 | اميرة on صور فضايح منتخب مصر في جنوب اف… |
 | مريم on في ليله عيد مضت |
 | جزائرية on صور فضايح منتخب مصر في جنوب اف… |
 | شوقي on صور فضايح منتخب مصر في جنوب اف… |
| شوقي on صور فضايح منتخب مصر في جنوب اف… |
| الاسطوره on بناء علي رغبه الجمهور سؤال وجو… |
 | MAI on بناء علي رغبه الجمهور سؤال وجو… |
| MAI on في ليله عيد مضت |
 | نسيت اسمي ايه؟؟ on في ليله عيد مضت |
 | نبض المعانى on في ليله عيد مضت |
 | الموناليزا on في ليله عيد مضت |
| الموناليزا on انا ومريض نفسي |
 | حنين on انا ومريض نفسي |
| حنين on انا ومريض نفسي |
خلاصة غير معروفة
اول سؤال انت حلو ليه كده؟؟؟؟؟؟؟؟؟؟؟؟؟؟
تاني سؤال انت ازاي بتبقي متماسك وترد باحترام علي الناس اللي بيغلطوا فيك دول؟؟؟؟؟؟؟؟؟
تالت سؤال مش خساره في الاسطوره بتاعتنا يا هل علي صريح بيحب بجد الفتره دي ولا زي كل مره؟؟؟؟؟؟؟
اول اجابه
مش عارف بس يمكن علشان شعري عامله بطريقه جديده
تاني اجابه
والله بصي هي خبره وتعود يعني مبقاش الكلام يفرق من كتر ما بسمعه
وكمان في حاجه ان الانسان اللي بيغلط مستعد انه يغلط تاني وتالت فلازم انا اجبره علي الاقل انه يسكت او يراجع نفسه
تالت اجابه
يا بتني انا كل مره ببقي بحب بس بطريقه مختلفه المره دي بحب بطريقه تلاته خمسه اتنين وهاني سعيد ليبرو
بجد الفكره دى حلوه اوى
اننا نسال الاسطوره
1-ايه اكتر حاجه ندمان عليها فى حياتك؟
2-مين الانسان اللى انت حاسس انك ظلمته كتير ولحد دلوقت هو مخلص ليك وعاوز تعتذرله ادام قراءك؟
3-امتى حسيت انك زعلان اوى وامتى حسيت انك فرحان اوى؟
4-هل انت راضى عن نفسك؟
5-ايه هى مواصفات فتاه احلام الاسطوره على صريح؟
شكرااااااااااااااااااااااااااا
ولنا عوده
الله بحب انا هانى سعيد
طيب وحازم امام واقف فين ؟؟؟؟؟
ههههههههههههههه
نسأل بقى
مقتنع بنفسك ؟؟
ايه رأيك فى الحب؟؟ وجاوب بصراحه بلاش كلام بتوع الصحافه
واخر سؤال اقصى حد ممكن توصله مع حد بيضايق فيك ايه؟؟(ضرب—ولا تسيبه وتبعد)؟؟
هههههههههههههههههههههه هو الاقبال هيبقي زي كرسي الاعتراف ولا ايه
خير اما نشوف اخرتها مع قرائي
-ايه اكتر حاجه ندمان عليها فى حياتك؟
بيتهيالي اني ارتبط كتير من غير اي لزمه وبيتهيالي دخولي حاسبات وتفكيري اني ابقي امين الاتحاد يمكن ندمان علي كل حاجه حصلتلي في حاسبات الا الناس اللي بحبهم بجد وفي نفس الوقت مقدرش اعيشمن غير اي حاجه من اللي انا ندمت عليها
يعني تقدري تقولي حاسبات العسل المر
2-مين الانسان اللى انت حاسس انك ظلمته كتير ولحد دلوقت هو مخلص ليك وعاوز تعتذرله ادام قراءك؟
عارفه يا حنين انتي مخلصه جدا انا متاكد من كده بس بيتهيالي انا مش ظلمتك
بس لو هعتذر لحد مخلص معايا هيبقي علي صريح لانه الوحيد اللي غلط في حقه كتير
3-امتى حسيت انك زعلان اوى وامتى حسيت انك فرحان اوى؟
انا حسيت اني ميت من الزعل لما والدي توفي وحسيت اني فرحان اوي اوي اوي لما نجحت في سنه اولي بعد الدبلره
4-هل انت راضى عن نفسك؟
لا طبعا ومينفعش حد يبقي راضيعن نفسه بشكل عام بس ممكن ابقي راضيعن نفسي في موقف معين تصرف واحد انما بشكل عام مستحيل تلاقي حد يقول انه راضي عن نفسه
5-ايه هى مواصفات فتاه احلام الاسطوره على صريح؟
بصي تبقي صعبه اوي تعذبني وكمان تهزر وتضحك ومش علي طول خناق ومش علي طول هزار يعني التغير مطلوب وطعا التفكير مش تبقي مجنونه
شكرا يا حنين انت تعتبري اكتر واحده بتردي هنا بتهيالي اداره الموقع هيعملوا المدونه باسمك
الله بحب انا هانى سعيد
طيب وحازم امام واقف فين ؟؟؟؟؟
واقف هناك اهوه
مقتنع بنفسك ؟؟
والله يعني السؤال ده انا رديت عليه فوق ممكن في مواقف ومواقف انما دوم الحال من المحال
ايه رأيك فى الحب؟؟ وجاوب بصراحه بلاش كلام بتوع الصحافه
صحافه ايه بس عي العموم ماشي بصي الحب شئ جميل وز ما الكل بيقول الحب مش بايدينا والحاجات دي كلها التقليديه بس يمكن لازم نحكم عقلنا وقلبنا مع بعض مش واحد فيهم بس
ومين فينا ميتمناش انه يكمل مع حبيبته او حبيبه بس انتي فاهمه بقي الظروف والتفكير والكلام ده كله مهم
واخر سؤال اقصى حد ممكن توصله مع حد بيضايق فيك ايه؟؟(ضرب—ولا تسيبه وتبعد)؟؟
لو صاحبي بسيبه وببعد
لو بنت صاحبتي ببعد بردو
لو حبيبتي هلطشلها
هههههههههههههههههههههههههه
اهلا بالاسطوره بتاعتنا ع كرسي اعتراف مدي الحياه منور
ليه علي صريح متضايق من نفسه ومخنوق من الارتباطات ال حواليه مع ان اي حد مكانه كان هيكونمبسوط جدا ويعتبر نفسه محظوظ؟
كنت متوقع قبل الكليه ان كل ده يحصل والاكنت داخل ع انك هتكون طالب عادي؟
اول ارتباط ليك في الكليه مش فرق معاك والاكان عادي؟
لوواحده كنت مرتبط بيها وظلمتك وطلبت منك مساعده هتعملها والا ولو هتعملها هيبقي شعورك ازاي؟
الاسئله بصراحه جامده جدا يا باشسمهندسه
ليه علي صريح متضايق من نفسه ومخنوق من الارتباطات ال حواليه مع ان اي حد مكانه كان هيكونمبسوط جدا ويعتبر نفسه محظوظ؟
اي حد مكاني هيبقي مبسوط ازاي وهو مش عارف يرضي كل اللي بيحبوه
بصي اي حد ماكني لازم يبقي متضايق لما يلاقي ناس كتير عاوزين منه نفس الحاجه والحاجه دي مينفعش يديها غير لحد واحد بس
شوفي بقي انسان بيتحرج هيبقي موقفه ايه؟؟؟؟؟؟؟؟
كنت متوقع قبل الكليه ان كل ده يحصل والاكنت داخل ع انك هتكون طالب عادي؟
انا داخل معرفش الكليه فين مليش فيها اي حد كنت بفكر بس اني يبقي ليا اصحابوابقي مبسوط فيها انما ابقي كده فت الكليه الاول وامين اتحادها والاسطوره
لا طبعا اللي يفكر في كده يبقي مجنون يمكن كان يبقي حلم بس موصلش اني افكر انه يبقي حقيقه بس بعد ما حصل بتمني اني ارجع من الاول تاني ومبقاش اسطوره
اول ارتباط ليك في الكليه مش فرق معاك والاكان عادي؟
لا اول ارتباط فرق واخر ارتباط فرق بس الاخير طبعا اكتر لان الاول انتهي من زمان وكمان كل واحد عرف انه الموضوع خلص وبنتكلم اصحاب
لوواحده كنت مرتبط بيها وظلمتك وطلبت منك مساعده هتعملها والا ولو هتعملها هيبقي شعورك ازاي؟
بصي حكايه المساعده دي مش بايدي انا مش بشوف اني بساعد وبيتهيالي انا قلتلك قبل كده اي واحد مكاني المفروض يعمل كل اللي يقدر عليه ومش يفكر انه بيساعد خد ده واجب عليه
علشان كده هسيب المشاعر والحاجات دي علي جنب اي حد مهما عمل فيا احتاجلي هساعده انما مثلا لو قالتلي ارجع مستحيل
يلا نسال الاسطوره شويه
بتقول ان انت غلطت فى حق نفسك
ليه وصلت للدرجه دى وهاتصالح على صريح ازاى ؟
ليه كل اللى حواليك مفكرين ان عمرك ماهتحب بجد ليه شايفينك هوائى ؟
وليه وصلتلهم الاحساس ده؟؟؟وهاتغيره عندهم ازاى ؟؟؟
بتقول ان اول ارتباط ليك فرق معاك …ازاى ؟؟؟؟(لو مش عاوز تجاوب براحتك)
وبرضه بتقول لو واحده كنت مرتبط بيها طلبت منك مساعده هاتساعدها مش شايف انها هاتفهم ده غلط؟؟؟؟؟؟ ولا هاتكون مساعدتك ازاى؟؟؟
ايه اكتر حاجه كنت تتمنى انها تحصل والحمد لله حصلت بس مش زى ماكنت عاوز بالضبط؟؟
يلا نسال الاسطوره شويه
بتقول ان انت غلطت فى حق نفسك
ليه وصلت للدرجه دى وهاتصالح على صريح ازاى ؟
مش عارف بس لو انا بقيت كويس هسامح نفسي وهصالحها
ليه كل اللى حواليك مفكرين ان عمرك ماهتحب بجد ليه شايفينك هوائى ؟
وليه وصلتلهم الاحساس ده؟؟؟وهاتغيره عندهم ازاى ؟؟؟
همامعاهم حق هو في حد بيرتبط في الشهر سبع تسع مرات غيري
الاحساس وصلهم اني ما كلمت مع حد
والله منا عاوز اغيره عندهم لاني زهقت
المفروض اني امشي اقول والله مرتبط وبحب ومخلص
بتقول ان اول ارتباط ليك فرق معاك …ازاى ؟؟؟؟(لو مش عاوز تجاوب براحتك)
يعني عادي اول مره ارتبط في الجامعه بقيوقاعدين مع بعض علي طول مكنتش لسه مطارد بالدرجه دي ومحدش بيحاربني اوي كده ولا في معجبات كتير اوي
وبرضه بتقول لو واحده كنت مرتبط بيها طلبت منك مساعده هاتساعدها مش شايف انها هاتفهم ده غلط؟؟؟؟؟؟ ولا هاتكون مساعدتك ازاى؟؟؟
بصي هي لو هتفهم غلط يبقي نم الاول مش تطلب مساعدتي
انا قلت ده واجب عليا مش فضل مني
ايه اكتر حاجه كنت تتمنى انها تحصل والحمد لله حصلت بس مش زى ماكنت عاوز بالضبط؟؟
يعني مش عارف يمكن اني نجحت بس محصلتش زي ما كنت عاوز كنت عاوزه نجاح ساحق
حلو الموضوع ده
انا هسال سؤال واحد بس
على صريح نفسه فى ايه؟؟؟؟؟؟
معلش بقى يا باشمهندس هسالك تانى
1-مين الناس اللى شايف ان ليهم فضل عليك فى الكليه من الدكاتره والمعيدين واصحابك؟
2-مين هو مثلك الاعلى؟
3-ايه هو حلمك الكبير يعنى بعد ما تتخرج من الكليه ان شاء الله فى خلال سنتين ناوى تعمل ايه وبتفكر تبنى حياتك ازاى؟
4- لو فى حد شايف ان انت ظلمته وفى نفس الوقت انت شايف انك مظلمتوش بس انت شايف انه بيتعذب بسببك او على الاقل كان بيتعذب بسببك ايه هيكون احساسك ورد فعلك مع نفسك حتى؟
انت شايف انك ندمان على ارتباطاتك الكتير واعتقد انك قلت قبل كده انك مش هترتبط تانى
وندمان انك دخلت حاسبات بس معتقدش انك هتقدر تغير ده وغصب عنك انت هتكمل فى حاسبات
وشايف بردو انك ندمان على تفكيرك انك تبقى امين الاتحاد بس فى ايدك انك تلغى الفكره دى من دماغك يبقى ناوى تكمل فيها ولا مش ناوى رغم انى شايفه انها هتعملك شويه مشاكل وحقد من ناس كتير ولا انت ايه رايك مش تبعد عن الشر احسن
حاجه مهمه اوى لازم تعرفها يا على
لما سالتك مين الحد اللى انت ظلمته وهو مخلص ليك وعاوز تعتذرله مكنش قصدى خالص انى اتكلم عن نفسى عشان تقول انك مظلمتنيش
لان انا مقلتش انك ظلمتنى وعمرى ما هقول كده
انت انسان مهم جدا فى حياتى وشخص واخ صعب اعوضه صدقنى انت مظلمتنيش ابدااااااااا
بالعكس انت فوقتنى وعلمتنى حاجات كتير
علمتنى انى مفكرش بقلبى بس وافكر بعقلى كمان
يعنى انت ليك فضل عليا
شكراااااااااااااااااااااااااااااااااااااااااااااااااااااااااااااااااا يا احلى اخ فى الدنيا
معلش بقى يا باشمهندس هسالك تانى
1-مين الناس اللى شايف ان ليهم فضل عليك فى الكليه من الدكاتره والمعيدين واصحابك؟
القيصر اسامه ابو النصر والدكتوره عزيزه
2-مين هو مثلك الاعلى؟
في اللي عشت معاهم كلهم والدي
3-ايه هو حلمك الكبير يعنى بعد ما تتخرج من الكليه ان شاء الله فى خلال سنتين ناوى تعمل ايه وبتفكر تبنى حياتك ازاى؟
والله علي حسب الجيش كمان يعني بس ناوي اشتغل مش عارف في اي مجال بالظبط بس هشوف الاحسن ليا
وممكن اكمل في معهد التمثيل الله اعلم
4- لو فى حد شايف ان انت ظلمته وفى نفس الوقت انت شايف انك مظلمتوش بس انت شايف انه بيتعذب بسببك او على الاقل كان بيتعذب بسببك ايه هيكون احساسك ورد فعلك مع نفسك حتى؟
والله بصي هو الموضوع محير انتي قصدك لو حد بيحبني يعني واترباط وكده بس انا لو اتكلمت اي كلام او نص كلمه حتي مع الحد ده هيبدا يعاتب ويبدا يعيد الكلام من الاول
اكيد ببقي زعلان بس ما باليد حيله وبقول دايما لما يكبروا ويعقلوا ويشوفوا الحياه هيعرفواا اني عملت فيهم جميل
5_انت شايف انك ندمان على ارتباطاتك الكتير واعتقد انك قلت قبل كده انك مش هترتبط تانى
وندمان انك دخلت حاسبات بس معتقدش انك هتقدر تغير ده وغصب عنك انت هتكمل فى حاسبات
وشايف بردو انك ندمان على تفكيرك انك تبقى امين الاتحاد بس فى ايدك انك تلغى الفكره دى من دماغك يبقى ناوى تكمل فيها ولا مش ناوى رغم انى شايفه انها هتعملك شويه مشاكل وحقد من ناس كتير ولا انت ايه رايك مش تبعد عن الشر احسن
بصي اتحاد حاسبات يعتبر في المركز رقم تسعتاشر بين اتنين وعشرين كليه
وبعدين مش من قله مشغولياتي عاوز اشغل نفسي ولا من قله الحقد اللي بتحقده بس المصلحه العامه اهم من الكلام ده وانا شايف اني ممكن اجي يوم الانتخابات وانسحب لان الاتحاد مش رغبه جوايا لمصلحه شخصيه ده لمصلحه عامه وقت ما احس انه مش هيفيد الناس هرجع تاني علي صريح بس
ماشي يا حنين ثبتتيني انتي في اخر الموضوع
سلام
ازيك يا على
هسألك شويه كدة
قولى بقى انت قلت انك لقيت جاكلين هل يا ترى دة صحيح ولا لسه مخدتش قرارك ؟ ولو اة ليه ؟ ولو لا ليه برضه ؟
اكتر صفه حبيتها فيك ؟ ايه هى ؟
اخر قرار خدته ؟ ايه هو ؟ ونفذته ولا لا ؟ وناوى تنفذه فيما بعد ولالا ؟ شايف ان هو صح ولالا ؟ معلشى سؤال غبى ههههههههه
رحت ايطاليا احكيلنا بقى عن احلى حاجه هناك ؟ وايه الفرق بينها وبين مصر ؟ وايه الاحسن بالنسبه ليك ؟
عمرك قلت لعلى كفايه بقى لحد كدة خلاص مش قادر استحمل ؟ لو اة امتى ؟
اوصفلنا كدة حياتك فى كام سطر وايه الى فرحك فيها وايه الى زعلك ؟
معروف عنك كتير انك مرح جداا وبتهزر كتير ؟ ايه الوقت الى متقبلش فيه الهزار والضحك ؟
فى بنات ظلمتهم كتير وممكن تقولى مش ظلمت حد المهم تقول ايه لكل البنات الى ارتبطت بيهم ؟ قولنا كام سطر واعتبرها رساله ليهم ؟
امتى على يبكى ؟
احلى يوم مر عليك فى الكليه ؟ ايه هو ؟
كفايه بقى جاوب وهرجعلك تانى باذن الله
ازيك يا على
هسألك شويه كدة
قولى بقى انت قلت انك لقيت جاكلين هل يا ترى دة صحيح ولا لسه مخدتش قرارك ؟ ولو اة ليه ؟ ولو لا ليه برضه ؟
جاكي موجوده علي طول في خيالي في الحقيقه بقي انا مش هقول عنها حاجه علشان محدش ياخد كلامي باي طريقه يساء فهمها وبيتهيالي الخياليه اللي في الكتابات هي اللي تهم الناس انما الحقيقيه ربنا يخليهالي بقي ليا لوحدي
اكتر صفه حبيتها فيك ؟ ايه هى ؟
الغباء كان نفسي الاقي نفسي غبي بس متحققش الحلم
اخر قرار خدته ؟ ايه هو ؟ ونفذته ولا لا ؟ وناوى تنفذه فيما بعد ولالا ؟ شايف ان هو صح ولالا ؟ معلشى سؤال غبى ههههههههه
اخر قرار اني صممت اني انجح في سنه تانيه والحمد لله عملته بعد عذاب كان صح جدا لا ولا يهمك
رحت ايطاليا احكيلنا بقى عن احلى حاجه هناك ؟ وايه الفرق بينها وبين مصر ؟ وايه الاحسن بالنسبه ليك ؟
احلي حاجه هناك انك بتحس بقيمه بلدك اوي اوي وكمان النظافه هناك جميله اوي اوي الفرق ان هناك ما لقيصر لقيصر وما لله لله هنا كله لخبطه مفيش نظام
علي فكره اقرب اقرب الناس ليا ميعرفوش اي حاجه عن الرحله دي
الاحسن بالنسبه ليا ان مصر تبقي فيها مميزات ايطاليا وبيتهيالي هنعيش في جنه الارض
عمرك قلت لعلى كفايه بقى لحد كدة خلاص مش قادر استحمل ؟ لو اة امتى ؟
علي طول بقول والله كفايه بقي خلوني اموت واخلص بس علي مش راضي يسمع الكلام
اوصفلنا كدة حياتك فى كام سطر وايه الى فرحك فيها وايه الى زعلك ؟
والله انا انسان لا اكتر ولا اقل
فرحني الحب والنجاح وزعلني الغلط في شخصي والفشل
معروف عنك كتير انك مرح جداا وبتهزر كتير ؟ ايه الوقت الى متقبلش فيه الهزار والضحك ؟
انا بقبل الضحك في اي وقت والهزار في اي وقت لان الهزار بالنسبه ليا حاجه جميله اوي بتوصل المعلومات اكتر من الضحك وبطريقه اقل حده
فى بنات ظلمتهم كتير وممكن تقولى مش ظلمت حد المهم تقول ايه لكل البنات الى ارتبطت بيهم ؟ قولنا كام سطر واعتبرها رساله ليهم ؟
انا بقول للكل اللي ارتبط بيهم انا فله شمعه منوره
ايه الاسئله دي يا يوسي؟؟؟؟؟؟
علي العموم لو انا ظلمت حد هطلب ايه غير السماح والنسيان؟
واللي ظلموني بقولهم انا نسيت وسامحت
امتى على يبكى ؟
احلى يوم مر عليك فى الكليه ؟ ايه هو ؟
يوم ما نجحت في سنه اولي ويم تكريمي في اسره الحياه بعد الفيديو اللي كنت المخرج بتاعه
كفايه بقى جاوب وهرجعلك تانى باذن الله
كمان ايطاليا
ماشى يا عم
ممكن اعرف امتى رحت ومع مين وايه السبب
معلش انى بدخل بس انا فعلا اول مره اسمع عن الموضوع ده
كمان ايطاليا
شفتي بقي
ماشى يا عم
ماشي يا ستي
ممكن اعرف امتى رحت ومع مين وايه السبب
الكلام ده من زمان اوي وانا فعلا كنت ناسي ومش بحكي لحد مش عارف مين قالهم وسالوني وفكروني
رحت لعمي زياره بس يعني عادي كانت فسحه مهم انا بقي وبروح ايطاليا في ناس مكنتش بقولهم علشان يعني هيقولوا اني بترسم او بقول اني رحت اوروبا بقي والحاجات دي
يعني المضوع مكنش في دماغي وانا قلت ان اقرب الناس ليا ميعرفوش لاني مش حكيت اصلا كتير او لاي حد تقريبا
معلش انى بدخل بس انا فعلا اول مره اسمع عن الموضوع ده
فعلا انا زي ما بقول محدش كتير يعرفه والله تقريبا مكنش حد في حاسبات كلها يعرفه غير حيدر وابراهيم بس وتقريبا هما اللي فتنوا وكنت قايلهم بظروفها ومش حكيت عني
4- لو فى حد شايف ان انت ظلمته وفى نفس الوقت انت شايف انك مظلمتوش بس انت شايف انه بيتعذب بسببك او على الاقل كان بيتعذب بسببك ايه هيكون احساسك ورد فعلك مع نفسك حتى؟
والله بصي هو الموضوع محير انتي قصدك لو حد بيحبني يعني واترباط وكده بس انا لو اتكلمت اي كلام او نص كلمه حتي مع الحد ده هيبدا يعاتب ويبدا يعيد الكلام من الاول
اكيد ببقي زعلان بس ما باليد حيله وبقول دايما لما يكبروا ويعقلوا ويشوفوا الحياه هيعرفواا اني عملت فيهم جميل
دايما يا على بتعرف ترد كويس وكلامك تمام بس اخر جمله ان لما يكبروا ويعقلوا ويشوفوا الحياه هيعرفوا انك عملت فيهم جميل
طيب انت ليه من الاول تظلم ولا ترتبط ارتباط لوقت وخلاص وتبقى عارف انك مش هتكمل وهدفك اللعب
ليه تعمل كده وفى الاخر تسيب البنت وتقولها ده انا عملت فيكى جميل انى سيبتك
كلامك غريب واوقات بيضايق الحقيقه
مكنتش من الاول تكلمها بقى
ومتقلش انك مش بتبقى عارف انك مش هتكمل لانك ارتبط كتييييييييير اوى اوى مش معقول فى حد بيعمل كده
وعلى فكره سؤالى مكنش على الارتباط بصفه خاصه انا بتكلم عموما
بلاش يا على تاخد اى سؤال منى وتفهمه بطريقتك انت خد السؤال عادى وبصفه عامه
احسن كده هنتعب مع بعض اوى
دايما يا على بتعرف ترد كويس وكلامك تمام بس اخر جمله ان لما يكبروا ويعقلوا ويشوفوا الحياه هيعرفوا انك عملت فيهم جميل
طيب انت ليه من الاول تظلم ولا ترتبط ارتباط لوقت وخلاص وتبقى عارف انك مش هتكمل وهدفك اللعب
ليه تعمل كده وفى الاخر تسيب البنت وتقولها ده انا عملت فيكى جميل انى سيبتك
كلامك غريب واوقات بيضايق الحقيقه
مكنتش من الاول تكلمها بقى
ومتقلش انك مش بتبقى عارف انك مش هتكمل لانك ارتبط كتييييييييير اوى اوى مش معقول فى حد بيعمل كده
وعلى فكره سؤالى مكنش على الارتباط بصفه خاصه انا بتكلم عموما
بلاش يا على تاخد اى سؤال منى وتفهمه بطريقتك انت خد السؤال عادى وبصفه عامه
احسن كده هنتعب مع بعض اوى
اولا الارتباط حصل في الاول ليه علشان مكنتش فاهم او مكنتش باصصلها كده او يمكن كنت لسه صغير ومش فهمت الدنيا بلاش ظلم
ثانيا انا بقول لو قصدك ارتباط يبقي الاجابه كذا وانا محدش قالي اني ظلمت حد قبل كده غير في الارتباط ده فالموضوع كان بديهي يعني مش مخططله
وانا مش باخد كلامك غير كلام الناس يا حنين بس بحاول ارد علي قد منا فاهم السؤال وعلي العموم سوري ولا يهمك
وتعبك راحه
عدنا بعد فاصل طويل
ايه اللى خلاك تنفصل عن اول واحده ارتبطت بيها ياترى شهرتك بعدتك عنها ولا زهقت ؟؟؟
لما بتلاقى واحده مشتركه ع المدونه باسم جاكلين بتضايق وبتبقى عاوز تطلب منها انها نغير الاسم ده لان جاكى دى حد فى خيالك ومش موجوده ومافيش حد زيها ولا ايه بيبقى شعورك ؟؟
اول قرار هاتاخده لما تمسك الاتحاد هايكون ايه ؟؟
ايه اكتر حاجه ضايقتك فى اللى انت ارتبطت بيهم وكانت سبب رئيسى ان انت انفصلت عنهم؟؟؟ ولما شوفت ان الحاجه دى تقريبا موجوده فيهم كلهم ماحاولتش تقنع نفسك ان دى صفه موجوده اساسا فى البنات وتتكيف معاها؟؟؟
احساسك بيبقى عامل ازاى لما بتدخل المدونه وبتلاقى اسئله كتير ليك وكلام اعجاب من البنات؟؟
كلمة (ليه عملت كده هو ده اللى انا طلبته منك) تحب تقولها لمين وتعاتبه قدام الناس كلها ؟؟؟
ممكن الشهره تبعدك عن اللى انت بتحبها وتخليك تنفصل عنها ؟؟؟
قلبت سؤال لسمسمه لما كانت بتقولك امتى على بيبكى
قلبت السؤال ده بقصدك ولا انت مش عاوز تجاوب عليه وفـ اى حاله جاوب عليه
نفسك فى ايه ؟؟؟
يالا كفايه ناخد فاصل ولنا عوده ان شاء الله
عدنا بعد فاصل طويل
ايه اللى خلاك تنفصل عن اول واحده ارتبطت بيها ياترى شهرتك بعدتك عنها ولا زهقت ؟؟؟
لا مش زهقت ولا الشهره بس مشاكل عائليه
لما بتلاقى واحده مشتركه ع المدونه باسم جاكلين بتضايق وبتبقى عاوز تطلب منها انها نغير الاسم ده لان جاكى دى حد فى خيالك ومش موجوده ومافيش حد زيها ولا ايه بيبقى شعورك ؟؟
والله مش عاوز ازعل حد مني بس اكيد مش عاوز اي حد يدخل بجاكلين كده ناس معينه ابقي انا اللي قايلهم بس في العموم عادي
اول قرار هاتاخده لما تمسك الاتحاد هايكون ايه ؟؟
ممكن اقولك اول قرار لو نويت امسك الاتحاد اني هختار ناس عاوزه تشتغل
ايه اكتر حاجه ضايقتك فى اللى انت ارتبطت بيهم وكانت سبب رئيسى ان انت انفصلت عنهم؟؟؟ ولما شوفت ان الحاجه دى تقريبا موجوده فيهم كلهم ماحاولتش تقنع نفسك ان دى صفه موجوده اساسا فى البنات وتتكيف معاها؟؟؟
بصي الكذب وان واحده تخبي عليا حاجه وكلامي ميتسمعش دول الاسباب كلها
وفعلا انا بدات اقتنع ان مفيش بنت مبتعملش حاجه من التلاته دول
احساسك بيبقى عامل ازاى لما بتدخل المدونه وبتلاقى اسئله كتير ليك وكلام اعجاب من البنات؟؟
بصي انا متعود علي الكلام ده كله ومش غرور لما اقول اني فتي حاسبات المدلل
انا صحيح مش عارف ليه بس اكيد بفرح لما الاقي ناس كتير بيحبوني اوي كده
بس مش الحب اللي هو الحب بقي لان كده هتعب انا
كلمة (ليه عملت كده هو ده اللى انا طلبته منك) تحب تقولها لمين وتعاتبه قدام الناس كلها ؟؟؟
اقولها ليا علشان مجرحش شعور حد
بس لو هقولها لواحده بيتهيالي بطلت تدخل هنا اليمامه الحائره غلطت لما صدقت فيا كلام الناس
بيتهيالي محدش يعرفها الا انا
ممكن الشهره تبعدك عن اللى انت بتحبها وتخليك تنفصل عنها ؟؟؟
بصي انا مش ببص للشهره علي اساس انها حاجه كويسه ولا حاجه وحشه يعني حياتي كده الكليه كلها عارفاني وبدات اترعب كمان لاني دخلت مع الجامعه كلها والاتحاد وامناء الاتحاد والكليات بس بحاول ابقي سطحي علي قد ما اقدر علشان اعرف ارضي كل اصحابي وكل الناس اللي بيطلبوا مني حاجات في الكليه
قلبت سؤال لسمسمه لما كانت بتقولك امتى على بيبكى
قلبت السؤال ده بقصدك ولا انت مش عاوز تجاوب عليه وفـ اى حاله جاوب عليه
بصي انا عديته بمزاجي بصراحه وهعديه دلوقتي كمان علشان محدش يقول عليا منافق
نفسك فى ايه ؟؟؟
نفسي الكليه تبقي احسن انجح وابقي فاهم في الشغل نفسي اكمل في التمثيل والكتابه والكوره
عاوز اعمل كل حاجه بحبها واكمل فيها مع انه مستحيل بس هحاول
يالا كفايه ناخد فاصل ولنا عوده ان شاء الله
اســــــــــــــــــــــــــــــــــــــــــره الحياه
1-مين اللى رشحك تدخل اسره الحياه؟
2-دخولك فى اسره الحياه سببلك اى مشاكل مع اصحابك اللى فى الاسره؟
3-استفدت ايه من اسره الحياه؟
4-ايه الحاجات اللى عجبتك فى الاسره وبردو ايه الحاجات اللى معجبتكش؟
5-احساسك كان ايه لما بقيت اشهر حد فى اسره الحياه رغم انك دخلتها متاخر وكمان انت اللى قدمت الزوم بتاع الاسره وتقريبا بقيت انت اعظم من فى الاسره؟
6-هل الاسره كانت سبب فى انك تقرب اكتر من الناس ويتعرفوا عليك ويعرفوا على صريح بجد؟
اســــــــــــــــــــــــــــــــــــــــــره الحياه
1-مين اللى رشحك تدخل اسره الحياه؟
كانت رغبه عندي وكمان عند القيصر اسامه ابو الصنر ولا احد سوانا
2-دخولك فى اسره الحياه سببلك اى مشاكل مع اصحابك اللى فى الاسره؟
هو في الاول حصل مشاكل كتير لانهم كلهم ماشاء الله تقديرات انما ان شايل مواد وفاشل وكان النظره مش ولا بد
بس بمرور الايام تعالوا شوفوا بحبهم جدا ومن اكتر الناس القريبين مني وهما كمان حبوني جدا الحمد لله
3-استفدت ايه من اسره الحياه؟
في ناس في الاسره كان ليهم فضل علي علي صريح بتاع دلوفتي اولهم القيصر اسامه ابو النصر
وطلاب كتير عرفوني ان في امل فيا ساعدوني في المذاكره كتير جدا وكانوا بيشرحولي وينزلولي مش عاوز اقول اسماء بس بحبهم كلهم بامانه
4-ايه الحاجات اللى عجبتك فى الاسره وبردو ايه الحاجات اللى معجبتكش؟
عجبني في الاسره روح التعاون والاخوه انا مشفتش كده قبل كده شباب تقريبا عايشين مع بعض ميل وكليه واجتماعات وزوم ويبره الكليه في السنتر بصي بصراحه كنا عايشين مع بعض وبنحب بعض جدا
اللي معجبنيش ان الناس مش بتعدي لبعض الحاجات التافهه الخناق كان كتير الي حد ما بينا وبين بعض
5-احساسك كان ايه لما بقيت اشهر حد فى اسره الحياه رغم انك دخلتها متاخر وكمان انت اللى قدمت الزوم بتاع الاسره وتقريبا بقيت انت اعظم من فى الاسره؟
اولا انا قبل الاسره كنت الاشهر فالاسره متاثرتش ولا اثرت فيا
انا قدمت الزوم لان كل واحد كان مسؤل عن حاجه
الاسره مش للشهره ومدخلتهاش للشهره انا دخلتها علشان الافاده والاستفاده مش اكتر ولا اقل ويمكن دخلتها علشان اثبت للناس اني مش وحش وممكن ابقي زي اللي بيذاكروا وبينجحوا وعلشان اثبت لنفسي اني مش وحش
عمر ما في حد هيبقي اعظم من اسره الحياه حتي علي صريح ده كيان كامل مبني علي التعاون والحب لو واحد بس اعظم منه عمره ما هينجح وانا اتمني ان الاسره تفضل اعظم مني شرف كبير ليا
6-هل الاسره كانت سبب فى انك تقرب اكتر من الناس ويتعرفوا عليك ويعرفوا على صريح بجد؟
اها جدا جدا انا فاكر وانا داخل الاسره الاستفتاء علي دخولي مكنش لصالحي خالص
تقريبا كنت مرفوض كليا ومش هبالغ لو قلت مكروه دول ناس مش متعودين علي الفشل ومكنوش يعرفوني
شوفي دلوقتي بيتهيالي لو الاستفتاء اتعمل الكفه هتبقي لصالحي
بما ان الاسئله عن الاسره انا هتوجه برساله لاعضاءها
انا جيت ضيف وبقيت اخ وبعدين بقيت واحد منها يا ريت افضل مع الناس فيها لحد ما نوصل بالاسره لاعلي مكان
انا بحب كل الاعضاء اللي في الاسره جدا ومش طمعان اني ابقي رئيسها او حتي ماسك اي حاجه فيها يكفيني شرفا اني عضو في اسره الحياه
بلنسبه للاسره انا مش غرور مني وبقولها صريحه اسره الحياه اتشهرت اكتر وانا فيها علشان الناس نفسها مش قادره تستوعب يعني ايه علي صريح في اسره ومش امينها وكمان علاقته بيهم مش كويسه والاستغراب كان كبير وناس كتير كلموني وكانوا خايفين اني اتغير والاسره تغيرني وابعد عن صحابي وابقي انسان تاني
فالناس تابعت الاسره اكتر وكمان انا بحس ان كلامي فيه ثقه لما بقول حاجه لان االناس متعوده مني علي الجديد فالاهتمام بالاسره ممكن يكون زاد
وانا قلت الاسره بطلابها تقدر تنجح بيا او من غيري بس علشان ابقي صادق قلت الكلمتين دول
اخر حاجه هااطلبها منك بقى
ممكن توصفلنا على صريح فى الفتره من 15 سنه لـ 19 سنه ؟من كل الجوانب يعنى تتكلم عن كل حاجه
كده انا خلصت اسالتى واقدر اقول سلام
اخر حاجه هااطلبها منك بقى
ليه لسه بدري يا بنتي
ممكن توصفلنا على صريح فى الفتره من 15 سنه لـ 19 سنه ؟من كل الجوانب
بصي يمكن كنت لسه صغير طبعا بفكر في اني مختلف عن اصحابي اللي بيحبوا ويمشوا مع بنات كنت مشهور جدا وليا معجبات بس طبعا مكنتش بفكر فياي حاجه من دي في الوقت ده كنت مهتم بالكوره والتعليم والبلاي استيشن
بصي كل ده في الثانوي يمكن كان مخي طاقق شويه وبلون شعري واعمل نيولوكات بس مش زي دلوقتي اكيد بردو
بالنسبه للخلاق كانت عاليه بس كان في استعداد لعمل اي حاجه لولا الخجل والتربيه الحمد لله
لا كنت مبسوط الايام دي جدا لولا المذاكره كنت قلت عليها ايام حظي
الايام دي كانت جميله ده لحد فتره الثانوي
اولي كليه فضلت زي ما انا بس هنضيف مفيش مذاكره خالص وبقيت بعرف بنات كتير مش واحده بس وكمان جميع انواع السجاير
يعني تقدر تقولي كنت في الضياع بابا عايش معايا فلوس كتير وانا اصلا طاقق وعندي استعدادا اجرب اي حاجه
اولي دبلره والدي توفي في الاجازه اتغيرت جدا واتحطيت في موقف صعب جدا جدا
وبدات افوق شويه واحس بالمسؤليه واني الكبير واني علي الاقل لو مش مطلوب مني فلوس مطلوب مني احساس باامان
وبعدين تسعتاشر سنه بقي تانيه حاسبات اسره الحياه واصحابي وكاظم الساهر خلوني احب بجد وبطلت لعب بالينات في اخر ايام تانه او في لترم التاني يعني مرتبطش خالص
وفعلا يعني بقيت زي ما الناس شايفه دلوقتي
يعنى تتكلم عن كل حاجه
كده انا خلصت اسالتى واقدر اقول سلام
رايك ايه فى البنت اللى بترتبط بيك بالرغم من انها عارفه انك بترتبط كتير وممكن تكون مرتبط باكتر من بنت غبرها يعنى البنت اللى بتكون راضيه انها تبقى لعبه؟؟
بتقول انك حبيت بجد وخلاص بقيت مستريح نفسيا الحمد لله
تفتكر اللى انت حبتها دى واثقه فيك يعنى متاكده من حبك ولو مش كده هاتعمل ايه عشان تثبتلها حبك ليها ؟؟
تفتكر هى اساسا بتحبك ؟؟
لو فى يوم جت قالتلك ان والدها موافق على حد اتقدملها وبيضغط عليها عشان توافق بس هى عاوزاك انت هاتعمل ايه؟؟
رايك ايه فى الحياه اللى عايشنها ؟؟
لو قالولك قدامك فرصه انك تسافر بره مصر ايه البلد اللى هاتختارها ومين اللى هاتاخدوا معاك؟؟
نفسك تقدم فى معهد تمثيل …. طيب وكليتك والمجال بتاعنا ده هاتسيبوا ولا ايه هايكون مصدر رزقك الاساسى ؟؟؟
شايف بكره ازاى ؟؟ طبعاً ربنا لوحده هو اللى عارف بس متوقعه هايكون ازاى؟؟
بتعمل ايه عشان ترضى نفسك ؟؟
رايك ايه فى الاسئله كانت بايخه صح ؟؟
بس سؤال اخير ايه رايك فى لبنان ؟؟ ناوى تروحها ولا لأ ولو رحتها هاتاخد جاكى معاك؟؟؟؟؟؟؟؟؟؟؟؟؟؟؟؟؟؟؟؟؟لازم تجاوب وبصراحه
ليه ياحنون لسه بدري هوعلي لسه اتسأل مش لما يتظبط الاول
ليه بتقدر تساعد ناس كتير وتحل مشاكلهم ومش بتقدر تساعد نفسك انك تخرج من مشاكلك؟
عمرك اتعاملت مع حد قبل كده واحتقرته ولو حصل كان ايه السبب؟
شايف ان الشباب في الكليه بتغير منك والامش معترفين بيك اصلا؟
ايه الصفات ال موجوده فيك وانت مش حاببها؟
رايك ايه فى البنت اللى بترتبط بيك بالرغم من انها عارفه انك بترتبط كتير وممكن تكون مرتبط باكتر من بنت غبرها يعنى البنت اللى بتكون راضيه انها تبقى لعبه؟؟
يعني مش هقول لعبه لعبه لان ده حب وتمني ان انا ابقي ليها وبس رغم الشك اني بلعب كتير
بتقول انك حبيت بجد وخلاص بقيت مستريح نفسيا الحمد لله
تفتكر اللى انت حبتها دى واثقه فيك يعنى متاكده من حبك ولو مش كده هاتعمل ايه عشان تثبتلها حبك ليها ؟؟
والله استبعد ان اي بنت تثق في واحد زيي بس يعني بنقول يا رب وان شاء الله اللي جاي احسن
تفتكر هى اساسا بتحبك ؟؟
اكيد بلا ادني شك
لو فى يوم جت قالتلك ان والدها موافق على حد اتقدملها وبيضغط عليها عشان توافق بس هى عاوزاك انت هاتعمل ايه؟؟
وقتها هشوف الاحسن ليها يعني لو التاني احسن هخليها تكرهني علشان مصلحتها
انما لو التاني مش مناسب ليها زيي هحاول اقنع والدها ومش هتخلي عنها
المهم في الاخر الاحسن ليها يحصل
رايك ايه فى الحياه اللى عايشنها ؟؟
السؤال ده بكرهه الحياه دي يعني انا وانتي اخويا واخوك واخوكي وبيتهيالي كل اللي قلتهم دول في نظرنا ملايكه سواء الشخص او اهله يبقي العيب في مين
الحقيقه ان كلنا كويسين بس مش بندور علي الوحش اللي جوانا وبندور عليه جوه الناس التانيه انا في حياتي مقابلتش حد وحش بمعني الكلمه كل الناس فيها حاجات كويسه بس يعيبها حاجات بما فيهم انا فلو كل واحد اهتم بنفسه الحياه هتبقي احلي
لو قالولك قدامك فرصه انك تسافر بره مصر ايه البلد اللى هاتختارها ومين اللى هاتاخدوا معاك؟؟
هروح السعوديه علشان والدتي تروح معايا
نفسك تقدم فى معهد تمثيل …. طيب وكليتك والمجال بتاعنا ده هاتسيبوا ولا ايه هايكون مصدر رزقك الاساسى ؟؟؟
مش نفسي اوي يعني هو خيار قدامي المجال بتاعنا انا مش مبدع فيه مش فنان فيه مش بفكر فيه فبيتهيالي مش هستريح فيه الا بقي لو حصل وربنا اراد وحبيت المجال
بصي بالنسبه للمصدر والارزاق والله ما حد عارف الخير فين لوا الرزق فين
يعني مش شاغل بالي من دلوقتي
شايف بكره ازاى ؟؟ طبعاً ربنا لوحده هو اللى عارف بس متوقعه هايكون ازاى؟؟
والله مش في دماغي ولا باصصلها خالص ولا عاوز افكر من دلوقتي ربنا اللي اعلم
بتعمل ايه عشان ترضى نفسك ؟؟
بشرب حشيش هههههههههههههههههههههههههههههههه
والله زي ما الكل عارف انا بعيش اللحظه باللحظه مش بفكر يعني ايه اللي بعمله او عاوز ايه او ليه انا بعيش الحياه زي ما الحياه عاوزه تتعاش مش زي منا عاوز وده كويس يعني
رايك ايه فى الاسئله كانت بايخه صح ؟؟
كانت حلوه الحقيقه
بس سؤال اخير ايه رايك فى لبنان ؟؟ ناوى تروحها ولا لأ ولو رحتها هاتاخد جاكى معاك؟؟؟؟؟؟؟؟؟؟؟؟؟؟؟؟؟؟؟؟؟لازم تجاوب وبصراحه
بصي لبنان جميله جدا انا عارف وروعه ومناظهر جنان وجبالها فوق الوصف لو روحت اي مكان هاخد جاكي معايا بس انا بفضل ايطاليا تاني لو هسيب مصر
ليه ياحنون لسه بدري هوعلي لسه اتسأل مش لما يتظبط الاول
هههههههههههههههههههههههه
ليه بتقدر تساعد ناس كتير وتحل مشاكلهم ومش بتقدر تساعد نفسك انك تخرج من مشاكلك؟
اصل في مشاكل الناس بيبقي ذهني صافي ومفض نفسي للمشكله وببقي حاسس بسعاده وانا بحل مشاكل حد انما في مشاكلي ببقي متوتر ومشغول وكمان حزين من اللي انا فيه
عمرك اتعاملت مع حد قبل كده واحتقرته ولو حصل كان ايه السبب؟
اها مرتين وخلصا الموضوع انتهي والاتنين بقوا زيهم زي اي حد
شايف ان الشباب في الكليه بتغير منك والامش معترفين بيك اصلا؟
بصي انا علاقتي بالشباب كويسه والي مش بيحبوني فيهم عارفين قيمتي
حكايه الغيره دي شئ اكيد اي حد نفسه يبقي حاجه بيلاقيني سابقه فيها
بس انا بقول يا ريت محدش يحس انه كارهني او زعلان مني او بيغير مني
لاني بجد وبصراحه مش حاسس اني احسن من حد ولا عاوز ازعل حد ويا رب اي حد شايف انه احسن مني في حاجه تبقي ليه
ايه الصفات ال موجوده فيك وانت مش حاببها؟
انا مش حابب صفه الذكاء وصفه جذب الانتباه
مش حابب اني وصولي
مش حابب ابقي منافق
1-يعنى ايه بتشرب كل انواع السجاير؟
ممكن تقولنا الانواع؟
هههههههههههههههه
يعنى بتعترف انك بتشرب حشيش
يعنى انت كنت بتشرب ولا لسه بتشرب ولا مشربتش خالص؟
2-لو معاك فلوس كتير اووى ايه اول حاجه هتفكر انك تعملها بالفلوس دى؟؟ وايه بردو باقى الحاجات اللى هتحاول تحققها بالفلوس؟
3-ايه رايك فى الريس بتاعنا ؟مش بذمتك ملوش زى؟اتكلم عنه وعن حكومتنا فى كام سطر كده
4-على صريح بيعلنها صراحه ادام كل الناس ان هو بيحب ومرتبط وحبيبته بتحبه؟
ده طبعا سؤال بيهم معظم الناس
عاوزه اجابه صريحه ومباشره حاليا فى الوقت الى احنا فيه ده انت بتحب ومرتبط ولو كان اه هو ده الارتباط اللى انت قلت عنه انك اول مره تحب بجد؟؟؟ انا بتكلم طبعا عن الايام اللى احنا فيها دى عشان اجابتك تبقى واضحه
5-ناوى تزاكر السنه الجديده باذن الله من الاول وتجتهد ولا هتقضيها لعب زى كل سنه وتزاكر فى الاخر؟؟
6-تسمى ده بايه؟؟ انك تدخل المحاضرات تلعب وتهزر وتتريق على الدكتور ومش تركز خالص فى المحاضره وبالتالى من اللى انت بتعمله زمايلك مش بيركزوا ده غير انك شربت سجاير كمان فى المحاضرات وفى السكشن بردو شربت؟؟؟؟ده ايه؟ ليه كده؟
7-لو قالولك انت هتتحبس سنين على اد العذاب اللى عذبته للبنات الى حبتك واخلصتلك ووثقت فيك تفتكر هتتحبس اد ايه؟؟
8-تفتكر اللى بيحب بجد ممكن يقصد انه يجرح حبيبه ويكون قادر يشوفه ادامه وهو بيتعذب؟ يعنى لو سابه يتعذب ادامه وقدر انه يجرحه مش بردو يبقى مكنش بيحبه من الاول؟ ايه رايك؟وبلاش ردك يبقى ان ده احسن ليهم هرجع اقولك ان انت السبب من الاول
9–تفتكر اللى بيحب بجد وباخلاص مهما عمل فيه حبيبه وظلمه وجرحه ممكن ينساه بعد كل اللى عمله؟؟
10-لو فى حد بيحبك اوى مثلا حد صاحبك وتعرفه من فتره بس فجاه الشخص ده شايف انه لازم يبعد عنك مش عشان طبعا انت وحش بس عشان هيبعد عنك زى ما هيبعد عن حاجات كتير فى حياته ممكن تقول بيغير حجات فى حياته شايف ان هى لافضل يعنى ممكن تقول لاسباب شخصيه والحد ده كان دايما مهتم بيك وبيسال عليك وفجاه نسيك نسيان تام وبعد عنك لاخر العمر
هتحس بايه؟؟؟
هتحترم رايه وتفكيره وتقدر موقفه ؟؟
ولا هتزعل منه؟؟
1-يعنى ايه بتشرب كل انواع السجاير؟
يعني بشرب كل انواع السجاير
ممكن تقولنا الانواع؟
هههههههههههههههه
يعنى بتعترف انك بتشرب حشيش
يعنى انت كنت بتشرب ولا لسه بتشرب ولا مشربتش خالص؟
شربت ومانكرتش اني شربت ومانكرتش اني شربت كل حاجه بس كانت فتره وخلاص خلصت والحمد لله ربنا تاب عليا وفقت وبيتهيالي الفتره دي كانت اوحش فتره في حياتي واحلي فتره في حياتي
2-لو معاك فلوس كتير اووى ايه اول حاجه هتفكر انك تعملها بالفلوس دى؟؟ وايه بردو باقى الحاجات اللى هتحاول تحققها بالفلوس؟
بصي اول حاجه سر
تاني حاجه هحاول اني اعمل اي حاجه علشان اتجوز بسرعه علشان الراي العام والمعجبات ميشغلوش بالهم اكتر من كده
3-ايه رايك فى الريس بتاعنا ؟مش بذمتك ملوش زى؟اتكلم عنه وعن حكومتنا فى كام سطر كده
انا يمكن المفروض اني ابقي دبلوماسي وبحب الحكومه علشان اعجب كل اللي هيوافقوا علي اني ابقي امن االاتحاد بس انا مش كده ومش هبقي كده وقلت قبل كده ان الريس كويس الحكومه زباله المصرين اوحش من الاتنين
4-على صريح بيعلنها صراحه ادام كل الناس ان هو بيحب ومرتبط وحبيبته بتحبه؟
ده طبعا سؤال بيهم معظم الناس
عاوزه اجابه صريحه ومباشره حاليا فى الوقت الى احنا فيه ده انت بتحب ومرتبط ولو كان اه هو ده الارتباط اللى انت قلت عنه انك اول مره تحب بجد؟؟؟ انا بتكلم طبعا عن الايام اللى احنا فيها دى عشان اجابتك تبقى واضحه
ردي هيزعل ناس كتير بفضل اني مردش واحدد مده او فتره علشان انا مش ناوي اتقتل قريب
5-ناوى تزاكر السنه الجديده باذن الله من الاول وتجتهد ولا هتقضيها لعب زى كل سنه وتزاكر فى الاخر؟؟
انا اتمني اني اطلع الاول السنه دي بس لو ربنا اراد بقي
6-تسمى ده بايه؟؟ انك تدخل المحاضرات تلعب وتهزر وتتريق على الدكتور ومش تركز خالص فى المحاضره وبالتالى من اللى انت بتعمله زمايلك مش بيركزوا ده غير انك شربت سجاير كمان فى المحاضرات وفى السكشن بردو شربت؟؟؟؟ده ايه؟ ليه كده؟
اني ادخل العب اسمه استهتار
اني اتريا اسمه استهبال
اني اهزر خفه دم
لما شربت سجاير في المحاضره كانت مغامره
وفي السكشن عبط
بصي من الاخر المفروض اللي يرد هنا الدكتور اللي سمحلي اني اعمل كل ده
بيتهيالي معلمتش كده قبل كده غير مع ناس معينين ادونا الفرصه ان احنا نعمل كده
وبيتهيالي لو هستفاد مكنتش عملت كده
انا مش بدافع عن نفسي بس بجيب عذر قد يكون اقل قبحا من الذنب
7-لو قالولك انت هتتحبس سنين على اد العذاب اللى عذبته للبنات الى حبتك واخلصتلك ووثقت فيك تفتكر هتتحبس اد ايه؟؟
ههههههههههههههههههههههه
اشوفك بعد الميه وتسعين ان شاء الله
8-تفتكر اللى بيحب بجد ممكن يقصد انه يجرح حبيبه ويكون قادر يشوفه ادامه وهو بيتعذب؟ يعنى لو سابه يتعذب ادامه وقدر انه يجرحه مش بردو يبقى مكنش بيحبه من الاول؟ ايه رايك؟وبلاش ردك يبقى ان ده احسن ليهم هرجع اقولك ان انت السبب من الاول
ما هو انتي عارفه الرد بتاعي اهوه وسواء كده او كده احيانا بيبقي العذاب احسن من انك تسيب حد عايش في الوهم ويمكن اخطات في الاول بردو مع ناس
بس المشكلهمكنتش فيا بيتهيالي لو اي ولد قال لاي بنت محبتكيش كان الموضوع هيبقي اسهل من كده
بس المشكله ان فعلا حبوني اكتر من اي حد وحبوني جدا ومش متخيلين اني مش ابقي معاهم
وديحاجه تزعل مش تفرح
9–تفتكر اللى بيحب بجد وباخلاص مهما عمل فيه حبيبه وظلمه وجرحه ممكن ينساه بعد كل اللى عمله؟؟
والله الناس كلها بتحب وبتسيب وممكن يحبوا ويتجوزوا حد تاني خالص ويبقوا مبسوطين الموضوع بيبقي صعب في الاول انا بقول بصراحه
10-لو فى حد بيحبك اوى مثلا حد صاحبك وتعرفه من فتره بس فجاه الشخص ده شايف انه لازم يبعد عنك مش عشان طبعا انت وحش بس عشان هيبعد عنك زى ما هيبعد عن حاجات كتير فى حياته ممكن تقول بيغير حجات فى حياته شايف ان هى لافضل يعنى ممكن تقول لاسباب شخصيه والحد ده كان دايما مهتم بيك وبيسال عليك وفجاه نسيك نسيان تام وبعد عنك لاخر العمر
هتحس بايه؟؟؟
هحس ان حاجه نقصاني بس هتعود يعني محدشبيموت ورا حد من الاخر
الرد هيكون صعب شويه
انا والدي مات ومش هحب حد قده ولا حتي نصه هعمل ايه بقيلوحد تاني سابني
اكيد هتعود واكيد اي حد اي حد هيتعود وهينسي
هتحترم رايه وتفكيره وتقدر موقفه ؟؟
اكيد هقدر الموقف اكيد
ولا هتزعل منه؟؟
هزعل من واحد بيغير حياته للافضل يبقي انا مش بفهم
انا بقي مش مقتنعه يا علي بكل الكلام ده وبيتهيالي مش هقتنع ومن غير ما اعلط زي اللي بيغلطوا هتكلم بموضوعيه وهنشوف هتقدر تقنعني ولا لا
علي صريح بيحذروا منه البنات بتوع سنه اولي ليه؟؟؟؟؟؟
علي صريح بقي اسطوره بتخطيته ازاي؟؟؟؟؟؟
علي صريح اكتر حاجه بيعملها في حياته التمثيل ؟؟؟؟
علي صريح وصولي جدا جدا؟؟؟؟؟؟
علي صريح نفسه يبقي توم كروزحاسبات؟؟؟؟؟؟؟؟؟؟
علي صريح بيقول علي نفسه محترم ومتربي باماره ايه؟؟؟؟؟؟؟؟
بص يا علي انا مش بقول انك اوحش واحد في الدنيا بس يمكن لما تجاوب علي الحاجات دي اقتنع بس اشك
انا بقي مش مقتنعه يا علي بكل الكلام ده وبيتهيالي مش هقتنع ومن غير ما اعلط زي اللي بيغلطوا هتكلم بموضوعيه وهنشوف هتقدر تقنعني ولا لا
بصي انا لو جاوبت احلي اجابات في العالم مش هتقنعي الا لما تحكمس الاول بموضوعيه كانك مش تعرفي عني اي حاجه ومحدش قالك علا حاجه
اعتبريني انسان جديد واحكمي وسواء اقتنعت او لا نورتي
علي صريح بيحذروا منه البنات بتوع سنه اولي ليه؟؟؟؟؟؟
هخهههههههههههههههههه مش عارف خالص بجد الناس كلها عارفه ومتاكدهاني عمري ما عاكست واحده ولا رحت كلمت واحده ولا طلبت من واحده انها تمشي معايا وان انا اصلا مش برتبط حد مش بيكلمني من مده كبيره
علي صريح بقي اسطوره بتخطيته ازاي؟؟؟؟؟؟
مش عارف بردو بس يمكن انا كاريزمتي عاليه
وكمان بيتهالي ان اعجاب مجموعه كبيره بيا في نفس الوقت ادي انطاع غريب عني
علي صريح اكتر حاجه بيعملها في حياته التمثيل ؟؟؟؟
لا مش للدرجه دي انا ممثل اها بس مش محترف اوي كده
التمثيل شئ بحبه ومش هستخدمه في حاجه اندم عليها يمكن كتبت كتير لناس ومكنتش صادق بس تمثيل لا بسيبه لمتعتي الشخصيه واضحاك الناس
علي صريح وصولي جدا جدا؟؟؟؟؟؟
منكرش اني وصولي بس مش بالمعني اللي تقصديه انا قادر اني اوصل لاي حاجه بس مش حابب ولو اتمنيت اني اوصل لحاجه بيبقي علشان الناس مش علشاني
علي صريح نفسه يبقي توم كروزحاسبات؟؟؟؟؟؟؟؟؟؟
انا توم كروز حاسبات لا انا كده احسن من توم كروز توم كروز شكله حلو وامور وعسول وامريكي انا بقي لا امور ولا عسول ولا امريكي وكل دول بيحبوني ومعجبين بيا
تاني حاجه انا مش عاوز ابقي توم كروز جاسبات انا عاوز ابقي علي صريح
علي صريح بيقول علي نفسه محترم ومتربي باماره ايه؟؟؟؟؟؟؟؟
اقولك يا ستي اني اليل بيغلط فيا او بيهيني بقوله ربا يسامحك مع ا ن انا عندي القدره اني اغلط وارد واحطاي حد بيغلط فيا في مكان وحش جدا
بس انا بقول لا انا اكبر من كده وتربيتي احسن من كده
بصي صعب انك تلاقي واحد قادر وبيعفي انا بقي الواحد ده
بص يا علي انا مش بقول انك اوحش واحد في الدنيا بس يمكن لما تجاوب علي الحاجات دي اقتنع بس اشك
بصي انا قلتلك اللي كنت هقوله لاي حد سواء عاوز يقتنع او مقتنع او مش هيقتنع وهسيبك بقي نتي اللي تحكمي
كل اللي اقدر اقولهولك اني اسفه علي اخر سؤال وبجد بجد انت اسطوره
انا اسفه مش عارفه قلتلك كل الكلام ده ازاي
وبقولهالك بصراحه انت صعب تتكرر كلامك بجد تحفه وردودك لو قعدتميه سنه مش هعرف اقول زيها
هاتعمل ايه لو اللى انت بتحبها طلبت منك ان انتوا تنفصلوا ؟؟ هاتسالها عن السبب وتحاول تقنعها انك محتاجلها ولا هاتسكت وتبعد ولا هاتطلب منها انكوا تفضلوا اصحاب ؟؟؟
طيب لو انت اللى قررت انك تنفصل عنها هاتقولها ولا هاتبعد من سكات؟؟
انت اسطوره وليك وضعك وسط اصحابك ووسط الكليه يعنى ليك بريستيج…. لما بتبقى فى مكان مافيش حد عارفك فيه … ولو حد عاملك بيعاملك عادى … بتبقى متضايق وعاوز تعرفهم ان انت اسطوره ولا بتبقى حاسس بايه ؟ ياريت الصراحه
امتى تقول لحد ممكن تبعد عنى وبسيبنى فى حالى؟
امتى شربت سجاير ؟؟ ومين اول واحد قدملك سيجاره ؟؟ ولو شوفت الحد ده دلوقتى هاتقوله ايه ؟؟ ولما شربت السجاير داريت على اهلك اكيد… فضلت مخبى عليهم قد ايه ؟؟ ولما عرفوا كان رد فعلهم ايه ؟؟
على صريح عاوز ايه ؟؟
ممكن على اللى جواك يخدعك ولا بيبقى صريح معاك ؟؟
هل انت متسامح ؟؟ ايه اقصى درجه للتسامح معاك ؟؟ ومين اللى مش ممكن تسامحه لو غلط ؟؟
بتكدب ؟؟ تفتكر فى حد مش بيكدب ؟؟ طيب ليه بنكدب ؟؟ ممكن تقبل من حبيبتك كدبه هى كانت شايفه انها كدبه بيضا ؟؟
السؤال ده على حسب اجابتك للسؤال اللى قبله
لو كانت اجابتك ان مافيش حد مابيكدبش ليه كان الكدب سبب رئيسى من اسباب انفصالك عن اللى انت ارتبطت بيهم ؟؟
قلت قبل كده ان الحياه عندك ياابيض يااسود … ليه مش بتحاول تضيف اللون الرمادى وتكون وسط ؟؟ (قلتها ع المنتدى عشان ماتقولش انك ماقلتش كده)
الله يسامحك … تقولها لمين ؟؟
وحشتنى … نفسى اشوفك … تقولها لمين ؟؟ (غير والدك الله يرحمه)
ممكن تكون بتحب واحده وترتبط بواحده غيرها يعنى هى تبقى حبيبتك والتانيه دى تبقى ارتباط اسبوع ويعدى ؟؟ ولو رضيت بكده هى هاتوافق ؟؟ ولا مش هاتقولها؟؟ ولو ماقلتش هى اكيد هاتعرف ساعتها هاتبرر موقفك ازاى ؟؟ (خلينا نفترض انا عارفه انك مش هاتخون حد بس خلينا نفترض ان ده حصل )
معلش الاسئله كتير ويمكن بايخه بس انت قررت انك تتسال يبقى تقبل اى سؤال
كده انا خلصت اسالتى
سلااااااااااااااااااااااااااااام
هاتعمل ايه لو اللى انت بتحبها طلبت منك ان انتوا تنفصلوا ؟؟ هاتسالها عن السبب وتحاول تقنعها انك محتاجلها ولا هاتسكت وتبعد ولا هاتطلب منها انكوا تفضلوا اصحاب ؟؟؟
لو اللي بحبها هسيبها براحتها هي حره المهم تبقي مستريحه
طيب لو انت اللى قررت انك تنفصل عنها هاتقولها ولا هاتبعد من سكات؟؟
لا لازم اقول اكيد الا لو السبب واضح يعني وفي معظم الحالات ببقي واضح وصريح وبقول النهايه بس بعد عناء
انت اسطوره وليك وضعك وسط اصحابك ووسط الكليه يعنى ليك بريستيج…. لما بتبقى فى مكان مافيش حد عارفك فيه … ولو حد عاملك بيعاملك عادى … بتبقى متضايق وعاوز تعرفهم ان انت اسطوره ولا بتبقى حاسس بايه ؟ ياريت الصراحه
الاحساس ده مش بيناسبني اصلا حتي في الكليه اللي بيعاملني علي اني اسطوره ببقي مخنوق منه انا انسان عادي ويا ريت تصدقوا كده
ولا عمري حسيت اني اسطوره ولاحبيت اني ابقي اسطوره
والله ومش تواضع انا بتعامل مع الكل انا صاحبهم واسالوا اصحابي
انا يمكن متعود علي الدلع والمجاملات واكلام ده كله بس مش حبه
يمكن اتضايق لو حد بيعاملني وحش سواء وهو عارف او مش عارف
بس مش عاوز ابقي فارق عن اي حد
امتى تقول لحد ممكن تبعد عنى وبسيبنى فى حالى؟
اما يكون مغرور
امتى شربت سجاير ؟؟ ومين اول واحد قدملك سيجاره ؟؟ ولو شوفت الحد ده دلوقتى هاتقوله ايه ؟؟ ولما شربت السجاير داريت على اهلك اكيد… فضلت مخبى عليهم قد ايه ؟؟ ولما عرفوا كان رد فعلهم ايه ؟؟
في اولي كليه
انا اللي شربتها لوحدي
هقول لنفسي انت فله شمعه منوره
لا عرفوا علي طول اني بشرب ماما طبعا زعلت بس كانت بتدافع عني قدام بابا
وبابا قالي كلمه واحده انت بتشرب سجاير يا باشمهندس مردتش
واداني فلوس بس نظرته ليا كانت غريبه
على صريح عاوز ايه ؟؟
انا فوت السؤال ده قبل كده وهفوته تاني
ممكن على اللى جواك يخدعك ولا بيبقى صريح معاك ؟؟
لا اصل انا مع نفسي علي طول فمش تقدر تخدعني يعني
هل انت متسامح ؟؟ ايه اقصى درجه للتسامح معاك ؟؟ ومين اللى مش ممكن تسامحه لو غلط ؟؟
انا ممكن مسامحش حبيبتي بس مش الانسانه يعني مش هسامحها كحبيبتي بس كانسانه لو طلبت اي حاجه انا مسامح
للتسهيل مش هتبقي حبيبتي بس هتبقي انسانه عاديه زي اي حد
بتكدب ؟؟ تفتكر فى حد مش بيكدب ؟؟ طيب ليه بنكدب ؟؟ ممكن تقبل من حبيبتك كدبه هى كانت شايفه انها كدبه بيضا ؟؟
بصي الكل بيبكدب مستحيل نلاقي حد قادرانه مش يكذب انا ممكن اسامح في الكذب لو انا مطلبتش الحقيقه او انا اصلا كنت عاوز اصدق
يعني لما اقول انا عاوز الحقيقه مهما كانت يبقي اكيد مش هسامح الكذب
السؤال ده على حسب اجابتك للسؤال اللى قبله
لو كانت اجابتك ان مافيش حد مابيكدبش ليه كان الكدب سبب رئيسى من اسباب انفصالك عن اللى انت ارتبطت بيهم ؟؟
علشان انا طلبت اني اعرف الحقيقه مهما كانت زي ما قلت في الاجابه اللي فاتت
ومفيش واحده فيهم قالتها وانا عرفتها لوحدي حتي بعد ما كذبوا معترفوش انا اللي اكتشفتها
قلت قبل كده ان الحياه عندك ياابيض يااسود … ليه مش بتحاول تضيف اللون الرمادى وتكون وسط ؟؟ (قلتها ع المنتدى عشان ماتقولش انك ماقلتش كده)
انا قلت وانا معنديش اي الوان تانيه فعلا لاني ياما ابقي مرتاح البال وتبقي ابيض ياما في حاجه خنقاني وقلقاني وتبقي الحياه اسود
الله يسامحك … تقولها لمين ؟؟
وحشتنى … نفسى اشوفك … تقولها لمين ؟؟ (غير والدك الله يرحمه)
الله يسامحك ليا
وحشتني لاصحابي كلهم ولجاكلين الحقيقيه ههههههههههههههههه
ممكن تكون بتحب واحده وترتبط بواحده غيرها يعنى هى تبقى حبيبتك والتانيه دى تبقى ارتباط اسبوع ويعدى ؟؟ ولو رضيت بكده هى هاتوافق ؟؟ ولا مش هاتقولها؟؟ ولو ماقلتش هى اكيد هاتعرف ساعتها هاتبرر موقفك ازاى ؟؟ (خلينا نفترض انا عارفه انك مش هاتخون حد بس خلينا نفترض ان ده حصل )
فنفترض الاجابه
ممكن احب واحده وارتبط بالتانيه في ظروف معينه لو لازم يعني
في الظروف دي هعرفها وهي متقدرش تعترض لاني شايف الصح
ولو عرفت هعرف اقنعها حبيبتي بقيوعارف سككها كلها
معلش الاسئله كتير ويمكن بايخه بس انت قررت انك تتسال يبقى تقبل اى سؤال
كده انا خلصت اسالتى
سلااااااااااااااااااااااااااااام
ولا يهمك اي حاجه اسالي براحتك
طيب بالنسبه للسجاير حضرتك ال روحت اشتريتها بالنسبه للحشيش بأه كيف كانت البدايه؟وايه السبب ال خلاك تفكر تجربه؟ وكانت عندك نيه قبلها والا الموضوع ده جه كده صدفه؟
لو كان في صديق ليك مرتبط بواحده وانفصلوا وانت حسيت انك معجب بيها وهي كمان معجبه بيك ممكن تسمح لنفسك ترتبط بيها والاهتخاف ع شعور صديقك؟
ارتبط مع بنات قبل كده ايام الثانوي والامش كنت بتفكر في ارتباطات اصلا؟وايه كانت احلي فتره في حياتك(ابتدائي-اعدادي-ثانوي-كليه)
المفروض لماحد بيعتبر ان في اغنيه بيحبها اوي بيحس انها مطبقه عليه ايه علاقتك بأغنيه ممنوعه انتي ماسمعناش قبل كده انك اتحبست؟
الناس كلها ال في اسره الحياه اضايقت لما انضميت للاسره والاناس معينه ؟لسه حاسس ان فيهم حد من جواك مخنوق منك؟
ايه اخر اخبارات المسرحيه وصلتوا لفين؟
طيب بالنسبه للسجاير حضرتك ال روحت اشتريتها بالنسبه للحشيش بأه كيف كانت البدايه؟وايه السبب ال خلاك تفكر تجربه؟ وكانت عندك نيه قبلها والا الموضوع ده جه كده صدفه؟
الحشيش بقي اصحابي كلهم كانو بيشربوا وانا شربت معاهم
يعني زي باقي الناس زيي زيهم
هو جه بالصدفه بس بعد ما جربته يا سلام يا سلام
كانت احلي ايام
لو كان في صديق ليك مرتبط بواحده وانفصلوا وانت حسيت انك معجب بيها وهي كمان معجبه بيك ممكن تسمح لنفسك ترتبط بيها والاهتخاف ع شعور صديقك؟
بصي انا لو كنت حاضر الارتباط وعارفه عمري ما هفكر فيها
لانها هتعتبر زي اختي علي طول مهما كانت هي مين
الا في ظرف معين ان هي عمرها ما حبته وكانت بتحبني انا من الاول
ارتبط مع بنات قبل كده ايام الثانوي والامش كنت بتفكر في ارتباطات اصلا؟وايه كانت احلي فتره في حياتك(ابتدائي-اعدادي-ثانوي-كليه)
لا مرتبطش ولا مره ولا كنت بفكر كان في معجبات وكان في كل حاجه تساعد علي الارتباط بس مكنش في دماغي ومكنتش متخيل نفسي مرتبط
المفروض لماحد بيعتبر ان في اغنيه بيحبها اوي بيحس انها مطبقه عليه ايه علاقتك بأغنيه ممنوعه انتي ماسمعناش قبل كده انك اتحبست؟
ممنوعه انتي بالذات حكايبتها معايا غير اي اغنيه مش علشان هو كان محبوس
هي فيها كوبليه بتاع لا تشعري بالذنب يا صغيرتي لا تشعري بالذنب فان كل امراه احببتها قد اورثتني ذبحه في القلب
الكوبليه ده غريب بيحسسني اني غبي وذكي وعبقري وكل حاجه في الكوبليه ده
وكمان التخيل في الاغنيه وحش وصعب والتضحيه مستحيله اغنيه شامله في رايي
الناس كلها ال في اسره الحياه اضايقت لما انضميت للاسره والاناس معينه ؟لسه حاسس ان فيهم حد من جواك مخنوق منك؟
لا تقريبا تسعين في الميه كانوا مخنوقين مني ومن السره كلها ومكنوش مستعدين انهم يتعاملوا معايا او يقبلوني وسطهم
بيتهيالي دلوقتي اللي حتي مش بيحبني فيهم وده يكاد يكون قليل اوي اوي عارف قيمتي
ايه اخر اخبارات المسرحيه وصلتوا لفين؟
والله بغير كل يم في السيناريو شويه وبختار الكاست وبشوف اللبس والميوزيك
وان شاء الله هتبقي مفاجاه
ازيك يا على
انا رغم انى شايف ان المجال بتاع الموضوع مش مجالى لكن حابب انى اشارك مع صديقي وحبيبي على صريح او كما تقول على نفسك الاسطورة
بص يا علوة انا مش داخل اسأل انا داخل اتكلم عن على صريح اللى انا اعرفه بصراحة وبدون مجاملات :
على صريح انسان كويس قوى نشيط زكي ممتع لما تتكلم معاه وفيه الرجولة اللى بنفتقدها فى ناس كتير مرح و عنده قدرات جبارة لحد السنة اللى فاتت كان بيوجهها غلط للاسف ولكن من بعد انضمامه لاسرة الحياه وهو لا ينكر ذلك انه بدأ مسار حياته فى الاعتدال …. فعلا كان بيعمل اللى هو عاوزه لكن كان فيه صحبة كويسة جديدة اتلم عليها وهي اعضاء الاسرة …. لم اكن اعرفه جيدا حتى انضم للاسرة فاصبح صديقي جدا … كنا نعمل معا فى كل شئ وانضم لنا على صريح بعد الزوم الاول و الحقيقة احنا كلنا تعبنا بس اكتر واحد تعب معايا انا و البشمهندس اسامة ابو النصر كان على صريح حقيقي كنا بنفضل فى الشارع لحد الساعة 12 والساعة 1 احيانا فى الشركات و التجهيزات وجاء يوم الزوم وستندهشون عندما تعرفون ان على صريح لم يكن هو الذي سيقدم فى الحقيقة ولكن لباقة علي وقدرته على الالقاء والسرد رشحته لانه يكون افضل من يقدم الزوم فكانت اولى مشاركات على فى الاسرة بعد الريبورتاج طبعا مش عاوز اتكلم كتير عن الايام دى عشان ماطولش عن كدة لاننا لو قعدنا نتكلم عنها للصبح مش هنسكت …
لكن كان فيه فى الاسرة جو الحب والاخوة والتعاون وكانت بجد احلى ايام السنة اللى فاتت وكملنا كلنا مع بعض والحمد لله نجحنا كلنا وعدينا..
عاوز اقولك يا على انك فعلا فيه حاجة مشتركة بيني وبينك وهي ان مفيش حد يعرفك بجد غير لما يتكلم معاك و يعاملك لذلك ناس كتير بتفهمك غلط لما بيشوفوا تصرفاتك من بعيد .. انا الحمد لله ابتديت انى اصلح الموضوع ده وانا شايف انك كمان ابتديت فى ده وان شاء الله تكون امين اتحادنا وربنا يحبب فيك خلقه و توصل للى انت عاوزه كله ولكن نصيحة اخيرة يا على :
اياك لما تلاقي الكل حواليك مع ثقتك الزايدة فى نفسك يوصل بيك الحال الى الغرور .. اوعى يا صاحبي ….. وانت عارف انك حبيبي يا علوة اوعى تزعل
علي فكره يا مدحت
اولا انا مش بحب الاسطوره بحب الفتي المدلل اكتر قولهم هام بقي يبطلوا يقولوها
ثانيا انت قلت نفس اللي قلته عن الاسره ومهما قلنا مشهنوفيها حقيها
يمكن محتاجه مجهود جبار اتمني ان احنا نبقي قادرين عليه
وبالنسبه للغرور متقلقش يا صاحبي انا جبل ما يهزه ريح
ربك يستر
ويا رب لو الامانه فيها الخير ليا تبقي من نصيبي ولو مش فيها خير ليا مش عاوزها ويا رب ما تيجي
عندي سوءال للاسطوره ايه رايك لو الانسانه اللي بتحبها وتحبك اتغيرت فجاءه من ناحيتك وصارت المشاكل بينكم كتيره وهي مصممه علي انها ماتغيرت وتقولك انت المتغير من ناحيتها تتصرف ازاي
عندي سوءال للاسطوره ايه رايك لو الانسانه اللي بتحبها وتحبك اتغيرت فجاءه من ناحيتك وصارت المشاكل بينكم كتيره وهي مصممه علي انها ماتغيرت وتقولك انت المتغير من ناحيتها تتصرف ازاي
بص يا اخ محسن الحب فيه تغيرات كتير ومشاكل كتير
بس في الاول والاخر الاحترام بيبقي موجود حتي في المشاكل
يعني مهما كانت احجام المشاكل والاحترام لازال يخيم علي الوضع مبيبقاش في مشكله انما اول ما تحس ان الاحترام بدا يروح وكمان الحب يبقي هنا لازم تاخد موقف وتبعد بالطريقه اللي انت تشوفها صح
وحاول تحكم ع نفسك الاول بموضوعيه من الاول يمكن انت فعلا غلطان والتغير من نحيتك
انا عاوزه اسال شويه .. يلا نبدأ
ممكن تسامح حبيبتك فى اى حاجه غير الكدب وعدم سمعان الكلام ؟؟… او ايه اقصى حد للتسامح عند على صريح (بالنسبه لحبيبتك وبالنسبه للناس)؟
تانى حاجه هاتبقى طلب مش سؤال
ممكن تسال نفسك خمس اسئله وتجاوب عليهم بس تكون اسئله انت محتاج تتسألها وتوضح لينا فيهم شخصيتك اللى كتير اوى مايعرفهاش وانا واحده منهم
لو لسه بتتعرف على حد (بنت بالذات) ايه اول حاجه هاتقولها ليها عن نفسك غير اسمك والحاجات دى ؟
لو قالولك ان انت هاتسافر كمان خمس دقايق لمكان بعيد واللى هايسافر هايكون انت واهلك بس ومش هاترجع لمصر تانى ولا هاتشوف اصحابك ولا هاينفع تكلمهم خالص ايه اول حاجه هاتفكر تاخدها معاك ومين اول واحد هاتودعه ومين اكتر حد هاتندم ان انت هاتبعد عنه ؟؟ (سؤال غبى بس تخيله وجاوب عليه)
انا كده خلصت بس ممكن ارجع تانى
انا عاوزه اسال شويه .. يلا نبدأ
ممكن تسامح حبيبتك فى اى حاجه غير الكدب وعدم سمعان الكلام ؟؟… او ايه اقصى حد للتسامح عند على صريح (بالنسبه لحبيبتك وبالنسبه للناس)؟
هو اي حاجه تانيه تقريبا بسامح فيها زي ما قلت بس يعني كل حاجه تانيه بسامح فيها بس ممكن حاجات تاخد وقت عما تنساها
بالنسبه للناس انا بسامح من غير اي حاجه وفي اي حاجه
تانى حاجه هاتبقى طلب مش سؤال
ممكن تسال نفسك خمس اسئله وتجاوب عليهم بس تكون اسئله انت محتاج تتسألها وتوضح لينا فيهم شخصيتك اللى كتير اوى مايعرفهاش وانا واحده منهم
اول سؤال ليه سبت اتحاد الطلاب
الاحابه علشانا انا ممكن اشتغل تلت سنين متواصل بس بمزاج مش بامر من حد ولا في الوقت اللي الناس تختارهولي وعلشان ظروفي الصحيه اللي باظت من اول ما رجعت مصر من اسبوعين
تاني سؤال لاني عارف انه هيتسال
ليه هو انت كنت فين؟
انا كنت في سوريا مع وفد الجامعه ومنتخب التمثيل
تالت سؤال انت هتعمل ايه مع الدفعه الجديده؟
زي اخواتي الصغيرين وزهم زي غيرهم من الدفعات
رابع سؤال وخامس سؤال سر واجابته سر
لو لسه بتتعرف على حد (بنت بالذات) ايه اول حاجه هاتقولها ليها عن نفسك غير اسمك والحاجات دى ؟
مش هقول حاجه لاني مبتعرفش علي حد زي ما قلت قبل كده بس لو حد اللي جه يكلمني هعرف هو عاوز ايه ومن كلامه بعرف هخو ممكن نتكلم مع بعض في حدود ايه وباي طريقه
لو قالولك ان انت هاتسافر كمان خمس دقايق لمكان بعيد واللى هايسافر هايكون انت واهلك بس ومش هاترجع لمصر تانى ولا هاتشوف اصحابك ولا هاينفع تكلمهم خالص ايه اول حاجه هاتفكر تاخدها معاك ومين اول واحد هاتودعه ومين اكتر حد هاتندم ان انت هاتبعد عنه ؟؟ (سؤال غبى بس تخيله وجاوب عليه)
انا مش هوافق اني اسافر اي حته بره مصر انا واهلي غير في اضيق الظروف لاني مقدرش اسيب بلد ابويا انا صحيح بقيت بسافر كتير مع الجامعه واحتمال كبيراروح بلغاريا الترم ده بس بردو سفر نهائي بيتهيالي صعب
انا كده خلصت بس ممكن ارجع تانى
اكيد تشرفي يا نبض
انا رجعت بسرعه ومعايا شوية اسئله اتمنى انها تكزن خفيفه
نبدأ .. بسم الله
1-مرحله من مراحل عمرك تتمني الرجوع إليها .. والسبب ..؟
2-مااصعب قرار اتخذته في حياتك ؟؟
3-ايه رده فعلك من انسان جرحك قدام الكل ؟؟
4-ايهما أصعب خيانة الصديق ام خيانة الحبيب ؟؟
5-متى يسقط الرجل من نظرك ؟ متى تسقط المرأه من نظرك؟؟
6-متى يكون على صريح في قمة سعادته…؟
7-ورقة وقلم في يدك ماذا ستكتب فيها ولمن توجهها؟
8-حقيبة أسرار على صريح من يحملها ؟؟
9-امتى بتحب تنعزل عن نفسك تماما ؟؟
10-حكمتك في الحياه ؟
11-مارايك في
الصدق – الاخلاص – الحب – الوفاء – االصداقه – الحياه – الخيانه – فقدان الثقه – الالم – الرجوله (بتاع اليومين دول) ؟؟
12-احساسك كان ايه لما رجعت للدراسه وقابلت كل اصحابك ولاد وبنات ومين اكتر حد كان نفسك تقعد معاه وقت اكتر (لو حصل مشاكل هاابقى اجى اهدى النفوس ماتخافش .. ههههههه) ومين اللى كان نفسك تكلمه بس ماعرفتش ؟؟؟
يالهوى ربنا معاك يا على دى الاسئله طلعت كتير اوى معلش بقى المره الجايه هايبقى فى تخفيض ان شاء الله
بس سؤال قبل ما امشى
على صريح مرتبط حالياً ؟؟؟؟؟؟؟ (هههههههههههه.. اصلى عندى عروسه ..هههه)
نبدأ .. بسم الله
1-مرحله من مراحل عمرك تتمني الرجوع إليها .. والسبب ..؟
الثانوي يعني من غير امتحاناتها وقلقها كانت مرحله كويسه وكنت راضي عن نفسي الي حد كبير
2-مااصعب قرار اتخذته في حياتك ؟؟
مش ببصلها كده كل القرارت مصيريه لانها بتبقي في حياه الانسان
بس بيتهيالي اصعب قرار اني من مغيرتش من نفسي واسلوبي وطريقتي بعد الهجوم الشديد عليا وصممت اني افضل زي منا حابب
3-ايه رده فعلك من انسان جرحك قدام الكل ؟؟
عادي ممكن اتعصب في وقتها وبعدين بيبقي الموضوع عادي بس الصعب بيبقي انك فاكر علي طول انك اتهنت بالذات لو مردتش
4-ايهما أصعب خيانة الصديق ام خيانة الحبيب ؟؟
الاتنين حلوين ومش بزعل من الخيانه بس بنسي طبعا الانسان اللي يخون ومش بقكر يعني في الموضوع ده خالص
5-متى يسقط الرجل من نظرك ؟ متى تسقط المرأه من نظرك؟؟
الرجل بيسقط من نظري لو فكر الرجوله اعلانات بريل
والمراه تسقط من نظري عندما تعتبر الرجل لعبه
6-متى يكون على صريح في قمة سعادته…؟
مش عارف اول ما اجرب هقولك
7-ورقة وقلم في يدك ماذا ستكتب فيها ولمن توجهها؟
ساكتب فلترحمي ضعفي وحبي وجهلي وغروري
واهديها لحبيبتي
8-حقيبة أسرار على صريح من يحملها ؟؟
علي صريح وجاكلين احيانا
9-امتى بتحب تنعزل عن نفسك تماما ؟؟
في كل الاوقات وبالذات لما بكون بفكر في حاجه
10-حكمتك في الحياه ؟
لو لم اكن علي صريح لوددت ان اكون اي رجل يملك الحظ
11-مارايك في
الصدق – الاخلاص – الحب – الوفاء – االصداقه – الحياه – الخيانه – فقدان الثقه – الالم – الرجوله (بتاع اليومين دول) ؟؟
الصدق بيتهيالي مقدرش اتكلم عنه لان لو الكل صادق الحياه هتبقي احلي بكتير
الاخلاص بقي قليل وعلشان كده كعمه بقي حلو
الحب مرض يبتلي به الله اصحاب القلوب الرحيمه واحيانا نعمه للمؤمن
الوفا زي ااخلاص
الصداقه لا شئ الا لو كانت صداقه ترتقي للارتباط الابدي وانا معرفهاش الحقيقه
الحياه انا
الخيانه شئ جميل بالنسبالي وبحب اني اتخان
فقدان الثقه افه الشباب
الالم الطريق الي الصواب
الرجوله احساس تشعره بداخلك اولا يصل للناس ثانيا
12-احساسك كان ايه لما رجعت للدراسه وقابلت كل اصحابك ولاد وبنات ومين اكتر حد كان نفسك تقعد معاه وقت اكتر (لو حصل مشاكل هاابقى اجى اهدى النفوس ماتخافش .. ههههههه) ومين اللى كان نفسك تكلمه بس ماعرفتش ؟؟؟
والله انا لسه مقعدتش مع حد خالص تقريبا الشغل بقي والاجتماعات والاتحاد
لسه مشبعتش من اصحابي
تقريبا مكلمتش ناس كتير بحبهم مزلوش او مفيش فرصه او في مشاكل
يعني ربنا يسهل
يالهوى ربنا معاك يا على دى الاسئله طلعت كتير اوى معلش بقى المره الجايه هايبقى فى تخفيض ان شاء الله
بس سؤال قبل ما امشى
اسالي ولا يهمك
على صريح مرتبط حالياً ؟؟؟؟؟؟؟ (هههههههههههه.. اصلى عندى عروسه ..هههه)
انا مستعد بس هنستاذن جاكلين وكمان تقدمي اوراقها لمدير اعمالي ولو في اسبوع انا فاضي فيه وعد هحاول ارتبط بيها
هههههههههههههههه
اصلانا بطلت ارتبط بقي وبيني وبينك ومش تقولي حاجه لحد
خلاص قفلنا المحل
معلش يابشمهندس هسأل سؤال او بمعني تاني تعليق ع كلام قولته
اول سؤال ليه سبت اتحاد الطلاب
الاحابه علشانا انا ممكن اشتغل تلت سنين متواصل بس بمزاج مش بامر من حد ولا في الوقت اللي الناس تختارهولي وعلشان ظروفي الصحيه اللي باظت من اول ما رجعت مصر من اسبوعين
بيتهيالي ده سبب مش مقنع انك تيب الاتحاد
وبيتهيالي ده ممكن يظهر عنك فكره انك مش بتحب تحمل المسؤليه علشان لمجرد انها حاجه ممكن تعطل مزاجك بتتخلي عنها
هههههههههههههههههه
ايه كل داااااااا يااصريح
مالهم متحاملين عليك اوى كدا ليه
ههههههههههههه
ياجماعة دا طيب
ههههههههههههه
عادي يا بطوتي متعود علي كده انا كبري منهم وبعدين دول عاوزين مصلحتي
سؤال الاتحاد هرد عليه في وقته يا ايمي
وبراحتكوا يا شباب البيت بيتكم
اولا السلام عليكم يابشمهندس على
منور الكليه والله
ممكن اسال شويه اسئله علشان انت مدرسه هههههه والله داه فعلا بجد والى انا شيفاه ماشاء الله يعنى لتفكر بحسدك ولا حاجه وماتقلقش انا ماسكه خشبه lol
ليه يابشمهندس احيانا بتكون متناقض فى كتاباتك بذات مع حبتتك الحقيقه يعنى فى موضوع الى كنت شتمت فيه جاكى وبعدها على طول بعتلها اهداء داه معناه ايه؟؟؟؟؟؟؟؟؟؟؟؟؟؟؟؟(مع احترامى لجميع كتاباتك واعجابى اشديد بها بس سوال حيرنى)
هل من الممكن انك ترجع لوحده ارتبط بيها قبل كده؟؟وليه اه وليه لا؟؟
تهدى لمين الاغانى دى يابشمهندس؟؟؟
صباحك سكر……………….
احتاجتلى ولا كان فى بالى الحب ابدا………………
نسيت انساك حوليا كل الناس وبالى معاك………….
اسكتى مش الحياه من غيرك طلعت احسن…………
لا…لا لتتنهد بعد الشويه الضحكه تعود…………..
انا لك على طول خاليك ليا…………………….
غمضت عينى وقلت نفسى اشوفها تانى………….
ايه يعنى غرامك ودعنى ايه يعنى فرقنى ولا رجعلى…………
علمنى هواك ايه معنى الحيره علمنى اشتاق علمنى الغيره……..
هل ممكن الحب يتحول لصداقه والعكس ؟و ازاى واحده تكون بتحبها وتتمناها شريكه حياتك وبعد كده تبقى صديقه ؟؟؟؟؟؟
انت بتحكم الامور بعقلك ولا بقلبك ؟؟؟؟؟؟
ايه الصفات الى انت بتحبهاو ناقصه فى جاكلين؟؟؟؟وياترى هى تقبل انها تتعلمها؟؟؟؟
ايه اكتر حاجه انت عملتها فى حياتك وفخور بيها ؟؟؟؟
بما انك ملك الرومانسيه ايه اكتر فيلم رومانسى اتمنيت انك تعيشه وتكون انت بطله؟؟
انت شايف ان الحب الحقيقى داه لسه موجود ولا مجرد كلام بنقراه وبنسمع عنه ؟؟؟ وياترى حب الجامعه ممكن يكون ناجح بنسبه كم؟؟؟؟؟
الرجل الشرقى بيمثل نسبه كام فى حياه على صريح؟؟؟؟؟؟؟
الراحه الكامله فى نظر على صريح ايه (وياريت ماتقولش الموت )؟؟؟وامتى هاتحس انك مستريح؟؟؟؟؟؟وامتى هاتقول الحمدلله على الى وصلتله؟؟؟؟؟؟؟
ايه هو اليوم الى تتمنى انه يتعاد تانى ؟؟؟؟وايه هى االحاجه الى تتمنى تغيرها فيه؟؟؟
ايه اكتر ارتباط اثر فيك وغير حياتك بجد ؟؟؟ وياترى جاكلين عارفاها؟؟؟؟ واثرت ازاى؟؟؟؟
بجد بجد نفسى افضل اسالك كتير بس انا حاسه انى تقلت عليك
وربنا يكون فى عونك على المهتمين بيك وعايزين يعرفوا اخبارك وانا واحده منهم بس مش عايزه اعرف للتطفل لكن علشان اتعلم منك لانك شخصيه اثارت الجدل فى الكليه
اولا السلام عليكم يابشمهندس على
منور الكليه والله
اكيد منوره بطلابها
ممكن اسال شويه اسئله علشان انت مدرسه هههههه والله داه فعلا بجد والى انا شيفاه ماشاء الله يعنى لتفكر بحسدك ولا حاجه وماتقلقش انا ماسكه خشبه lol
ولا يهمك طبعا احسدي يا ستي مش هتفرق
ليه يابشمهندس احيانا بتكون متناقض فى كتاباتك بذات مع حبتتك الحقيقه يعنى فى موضوع الى كنت شتمت فيه جاكى وبعدها على طول بعتلها اهداء داه معناه ايه؟؟؟؟؟؟؟؟؟؟؟؟؟؟؟؟(مع احترامى لجميع كتاباتك واعجابى اشديد بها بس سوال حيرنى)
لا المواضيع مش كلها بتعبر عني واي موضوع بكره فيه حد او بشلف فيه حد مبيبقاش معبر عني لاني قلت قبل كده اني مبكرهش حد بس بتبقي كتابه لمجرد الكتابه
هل من الممكن انك ترجع لوحده ارتبط بيها قبل كده؟؟وليه اه وليه لا؟؟
بيتهيالي صعب شويه مع ان كل حاجه جايزه
بيتهيالي لاني لو كنت استريحت وحبيت بجد ولقيت تفاهم مكنتش سبتها من الاول
تهدى لمين الاغانى دى يابشمهندس؟؟؟
صباحك سكر………………. لصديقه غاليه عندي جدا اهديتهالها قبل كده
احتاجتلى ولا كان فى بالى الحب ابدا……………… لاي واحده كانت بتحبني وانا وقتها معرفتش احبها
نسيت انساك حوليا كل الناس وبالى معاك…………. القيصر اسامه ابو النصر صديقي الصدوق
اسكتى مش الحياه من غيرك طلعت احسن…………لاي واحده فكرت ولو للحظه انها تتراهن عليا
لا…لا لتتنهد بعد الشويه الضحكه تعود…………..لعلي صريح
انا لك على طول خاليك ليا…………………….لجاكلين طبعا
غمضت عينى وقلت نفسى اشوفها تانى………….جاكلين
ايه يعنى غرامك ودعنى ايه يعنى فرقنى ولا رجعلى…………واحده عارفه نفسها كويس
علمنى هواك ايه معنى الحيره علمنى اشتاق علمنى الغيره……..حاسبات ومعلومات المنصوره كلها
هل ممكن الحب يتحول لصداقه والعكس ؟و ازاى واحده تكون بتحبها وتتمناها شريكه حياتك وبعد كده تبقى صديقه ؟؟؟؟؟؟
بصي علشان نبقي واضحين اللي اهون عليه يهون عليا وفي حته جوايا اني بحب اساعد الكل فالصداقه علشان اساعد اي حد مهما كان عاديه
بالنسبه لحته واحده حلمت بيها شريكه حياتي دي مش هتفرق بردو لان في اي حاله اللي بهون عليه بنساه في لحظه
انت بتحكم الامور بعقلك ولا بقلبك ؟؟؟؟؟؟
بقلبي بس الحق اني اشغل الاتنين
ايه الصفات الى انت بتحبهاو ناقصه فى جاكلين؟؟؟؟وياترى هى تقبل انها تتعلمها؟؟؟؟
الصدق وقله الغيره شويه وكمان سمعان الكلام وملهاش دعوه بالسجاير
ايه اكتر حاجه انت عملتها فى حياتك وفخور بيها ؟؟؟؟
اني سبت اتحاد الطلاب
بما انك ملك الرومانسيه ايه اكتر فيلم رومانسى اتمنيت انك تعيشه وتكون انت بطله؟؟
حلوه ملك الرومانسيه دي منك بس انا مبحبش الافلام بس مشاهد مصطفي شعبان ومني زكي في فيلم احلام عمرنا جميله جدا
انت شايف ان الحب الحقيقى داه لسه موجود ولا مجرد كلام بنقراه وبنسمع عنه ؟؟؟ وياترى حب الجامعه ممكن يكون ناجح بنسبه كم؟؟؟؟؟
الحب الحقيقي ده زي الماء والهواء مينفعش يغيب عننا مينفعش نصحي منلاقيهوش يمكن صعب اننا نلاقيه بس اكيد هنمر بيه
وانا ضد مبادئ تقسيم الحب لحب جامعه وحب خطوبه
الحب سيدتي هو الحب بلا اي فوارق او تصنيفات
الرجل الشرقى بيمثل نسبه كام فى حياه على صريح؟؟؟؟؟؟؟
تسعين في الميه
الراحه الكامله فى نظر على صريح ايه (وياريت ماتقولش الموت )؟؟؟وامتى هاتحس انك مستريح؟؟؟؟؟؟وامتى هاتقول الحمدلله على الى وصلتله؟؟؟؟؟؟؟
الراحه الكامله هي راحه البال وراحه الضمير
هحس اني مستريح لو بالي ارتاح وضميري ارتاح
الحمد لله علي اللي وصلتله في كل الاحوال ملهاش وقت دي
ايه هو اليوم الى تتمنى انه يتعاد تانى ؟؟؟؟وايه هى االحاجه الى تتمنى تغيرها فيه؟؟؟
اليوم اللي اتمني انه يتعاد تاني اي يوم سمعت فيه صوت والدي او قعدت معاه او شفته فيه يعني
مش عاوز اغير فيه اي حاجه عاوز بس مجرد اني اسمع صوته اني اكلمه اني اعتذر عن اي حاجه زعلته مني
ايه اكتر ارتباط اثر فيك وغير حياتك بجد ؟؟؟ وياترى جاكلين عارفاها؟؟؟؟ واثرت ازاى؟؟؟؟
انتي هتخلي جاكلين تقتلني لو رديت ع السؤال ده ده لو في جاكلين يعني
بس الحقيقه مفيش غير جاكلين اللي اثرت فيا وهي لو عرفت كده هتتغر
جاكلين هي اللي خلتني احب الحياه واحب الناس واغير عليها من كل حاجه وخلتني اهم بحد جديد معايا علي طول في كل الاحوال وانا زعلان وانا فرحان حتي وانا نايم
بجد بجد نفسى افضل اسالك كتير بس انا حاسه انى تقلت عليك
لا خالص والله الاسئله كانت كويسه لو في تكمله كملي
وربنا يكون فى عونك على المهتمين بيك وعايزين يعرفوا اخبارك وانا واحده منهم بس مش عايزه اعرف للتطفل لكن علشان اتعلم منك لانك شخصيه اثارت الجدل فى الكليه
الله يخليكي ادتيني اكتر من اللي استحقه وحته الجدل دي بقي سيبيها لله الناس بيدوروا علي اي جديد واي مثير علشان يتكلموا فيه ويقضوا وقتهم فسيبيها لله
وبعدين انا لامدرسه ولا حاجه والله
واستفسار صغير هي مين جاكلين دي؟؟؟
السلام عليكم
ازيك يابشمهندس على يارب تكون تمام
بصراحه ردودك شجعتنى انى اكمل اسئله واتمنى اننا نكون اصدقاء
وبعدين انت بتسالنى ولا ايه يابشمهندس انا بردوا الى هاعرفك جاكلين وبس انا ممكن قولك مين جاكلين
جاكلين دى امنيه كل من قرا كتاباتك و تمنى ان الكلمات دى تكون ليه
بس انا بقى عايزاك تقولى مين هى جاكلين مع ان السوال داه اتكرر كتير ؟؟؟
انت بتقول يابشمهندس ان الحب الحقيقى موجود اعرف ازاى ان الى قدامى داه مش بيتسلى وانه فعلا نيته سليمه وبيحبنى؟؟؟؟؟؟؟؟ولو اتاكد انه بيحبنى حب حقيقى انصحنى وقولى ايه الى اعمله ؟؟؟؟؟؟؟
ليه بشوفك على طول فى الكليه على طول ساكت داه معناه انك بتدرس الى حواليك بذكائك ولا ايه (نفسى اعرف السبب)؟؟؟؟؟
افرد انك قابلت واحده وكانت فيها الصفات الى مش موجوده فى جاكلين ممكن تفكر فى انك ترتبط بيها ؟؟؟؟؟؟؟؟؟؟؟؟لو اه هاتقول لجاكلين ايه ولو لا ليه؟؟؟؟؟؟؟؟
سوال رخم بس فعلا محيرنى ياريت ماتفتكرهوش تطفل منى
لما جاكلين فيها العيوب الى انت قولتها ياترى ايه الحاجه الى خالتك تحبها؟؟؟؟وليه ماحولتش تغيرها؟؟؟؟؟؟
سورى لو طولت عليك وسلامى لجاكلين بتاعتك مش بتاعتىالى انت بتسالنى عليها
السلام عليكم
ازيك يابشمهندس على يارب تكون تمام
بصراحه ردودك شجعتنى انى اكمل اسئله واتمنى اننا نكون اصدقاء
تحت امرك اكيد مفيش مشاكل وانتي اسئلتك فعلا كويسه
وبعدين انت بتسالنى ولا ايه يابشمهندس انا بردوا الى هاعرفك جاكلين وبس انا ممكن قولك مين جاكلين
جاكلين دى امنيه كل من قرا كتاباتك و تمنى ان الكلمات دى تكون ليه
بس انا بقى عايزاك تقولى مين هى جاكلين مع ان السوال داه اتكرر كتير ؟؟؟
جاكلين مين دي بقي انا اللي عاوز اعرف يا جماعه احلف بايه اني مش مرتبط وان ده اسم خيالي يعني في بالي ؟؟؟؟؟
انت بتقول يابشمهندس ان الحب الحقيقى موجود اعرف ازاى ان الى قدامى داه مش بيتسلى وانه فعلا نيته سليمه وبيحبنى؟؟؟؟؟؟؟؟ولو اتاكد انه بيحبنى حب حقيقى انصحنى وقولى ايه الى اعمله ؟؟؟؟؟؟؟
بصي من حقك تطلبي الضمانات والاثباتات اللي تريحك وتاكدلك انه حب حقيقي وتعرفي غلاوتك عنده
لو حد بيحبك حب حقيقي وانتي شايفه انك متقبلاه متفوتيش الفرصه بس خدي بالك ع نفسك
ليه بشوفك على طول فى الكليه على طول ساكت داه معناه انك بتدرس الى حواليك بذكائك ولا ايه (نفسى اعرف السبب)؟؟؟؟؟
لا مش علي طول يعني اوقات ببقي زعلان اوقات ببقي عاوز اقعد لوحدي اوقات ببقي بفكر في حاجه او في الناس
افرد انك قابلت واحده وكانت فيها الصفات الى مش موجوده فى جاكلين ممكن تفكر فى انك ترتبط بيها ؟؟؟؟؟؟؟؟؟؟؟؟لو اه هاتقول لجاكلين ايه ولو لا ليه؟؟؟؟؟؟؟؟
بافتراض ان جاكلين موجوده يعني اكيد هقولها وهحاول مسيبش جاكي
وهقولها الناس حواليكي بيتغيروا وبيغروني خدي بالك
سوال رخم بس فعلا محيرنى ياريت ماتفتكرهوش تطفل منى
لما جاكلين فيها العيوب الى انت قولتها ياترى ايه الحاجه الى خالتك تحبها؟؟؟؟وليه ماحولتش تغيرها؟؟؟؟؟؟
الحب مبيعترفش بعيوب ومزايا بيعترف براحه وامان للانسان اللي معاك بيتعلق بوجوده في خيالك في كل لحظه بتمر عليك
سورى لو طولت عليك وسلامى لجاكلين بتاعتك مش بتاعتىالى انت بتسالنى عليها
ولا يهمك يا هندسه تحت امرك في اي حاجه
السلام عليكم
ازيك يابشمهندس عامل ايه
يالا بقى نبتدى الاسئله
ايه سر فى اخفاءك جاكلين؟؟
ازاى بتقول ان جاكلين بنحبك بدون ادنى شك وترجع تقول انها من الخيال؟؟ وبعدين بتقول ان فيها عيوب طيب ليه بتنكرهامن حياتك او بتنكر وجودها الحقيقي معاك؟؟؟؟؟؟في حد من الخيال فيه عيوب ومميزات
لو من الخيال هتكون في مميزات بس صح ولا ايه ؟؟؟؟؟؟؟
ايه احلى زكرى مرت فى حياتك؟؟؟؟
ايه الكلمه الى تتمنى تقولها لحد ومين هو الحد داه؟؟؟؟؟(ممكن تكون شكر عتاب اى حاجه)……
ايه اكتر حاجه محيراك فى الوقت الحالى وعايز تعرف اجابتها او ايه هى؟؟؟؟؟؟؟؟(ايه الحاجات الى شاغله دماغم حالياا)
طالما انت ماشاء الله عليك زكى جدا ليه مافكرتش تستغل زكائك فى دراسه والتفوق او فى عمل اختراع بترك لك اثرا بعد عمرا طويلا؟؟؟؟؟؟؟؟
تقول لمين اغنيه
ارجعلى انا قلبى معاك…………
هل انت مع اغنيه (القلب يحب مره ميحبش مرتين)؟؟؟؟؟؟؟؟
هل اغنيه (انا مش عارف اتغير) تنطبق عليك؟.؟؟؟؟؟؟
انت شايف الدنيا ازاى ؟؟؟؟؟
لما بتجى تعمل حاجه غلط ايه الصوره الى تيجى فى خيالك وتوقفك عن الغلط؟؟؟؟؟؟؟؟
قى حكمه بتقول فى السفر سبع فوائد ايه الى انت استفادته من السفر؟؟؟؟؟؟؟
شكرا يابشمهندس وسورى لو ازعحتك
السلام عليكم
ازيك يابشمهندس عامل ايه
يالا بقى نبتدى الاسئله
مفيش مشاكل
ايه سر فى اخفاءك جاكلين؟؟
يمكن من الحاجات اللي الواحد عاوز يحتفظ بيها لنفسه في كم المعلومات الصح والغلط اللي بتتقال عني حابب ان محدش يقول حاجه عليها
ازاى بتقول ان جاكلين بنحبك بدون ادنى شك وترجع تقول انها من الخيال؟؟ وبعدين بتقول ان فيها عيوب طيب ليه بتنكرهامن حياتك او بتنكر وجودها الحقيقي معاك؟؟؟؟؟؟في حد من الخيال فيه عيوب ومميزات
لو من الخيال هتكون في مميزات بس صح ولا ايه ؟؟؟؟؟؟؟
حكايه جاكلين طويله واي حد سواء خيالي او واقعي ليه عيوب ومميزات واي انسانه ليها عيوب فجاكلين مش من السما يعني
وسيبك هي خياليه ولا واقعيه جاكلين حبيبتي وده يكفيني
بس جاكلين مين؟؟؟؟؟؟؟
ايه احلى زكرى مرت فى حياتك؟؟؟؟
احلي ذكري اعتقد هي نجاحي في اولي وتانيه وماجستير القيصر اسامه ابو النصر
ايه الكلمه الى تتمنى تقولها لحد ومين هو الحد داه؟؟؟؟؟(ممكن تكون شكر عتاب اى حاجه)……
القيصر اسامه ابو النصر (مش عارف اقولك ايه بامانه بس فعلا انت صاحبي الوحيد )
ايه اكتر حاجه محيراك فى الوقت الحالى وعايز تعرف اجابتها او ايه هى؟؟؟؟؟؟؟؟(ايه الحاجات الى شاغله دماغم حالياا)
هي جاكلين بتحس ولا مبتحسش؟؟؟؟؟؟؟ ده اكتر حاجه عاوز اعرف اجابتها
طالما انت ماشاء الله عليك زكى جدا ليه مافكرتش تستغل زكائك فى دراسه والتفوق او فى عمل اختراع بترك لك اثرا بعد عمرا طويلا؟؟؟؟؟؟؟؟
لو جيتي للحق انا كسول الي حد ما وبالاضافه الا انني بزهق بسرعه
تقول لمين اغنيه
ارجعلى انا قلبى معاك…………
والدي الله يرحمه
هل انت مع اغنيه (القلب يحب مره ميحبش مرتين)؟؟؟؟؟؟؟؟
لا انا مع اغنيه القلب ميحبش مره ممكن ميه وخمسين
هل اغنيه (انا مش عارف اتغير) تنطبق عليك؟.؟؟؟؟؟؟
لما اكون حابب اتغير تنطبق انما حاليا لا
انت شايف الدنيا ازاى ؟؟؟؟؟
شابفها كده من اليمين للشمال والله بيني وبينك يا هندسه انا مبحسبهاش مقضيها يعني
لما بتجى تعمل حاجه غلط ايه الصوره الى تيجى فى خيالك وتوقفك عن الغلط؟؟؟؟؟؟؟؟
لا الموضوع الحقيقه مبقاش كده بقي الموضوع بقي اني بقيت كاره اي حاجه غلط حاجه جوايا بتشمئز من الغلط
قى حكمه بتقول فى السفر سبع فوائد ايه الى انت استفادته من السفر؟؟؟؟؟؟؟
اني عرفت قيمه اهلي وبلدي والناس اللي حوليا واتاكدت اني ساحر لما اتعاملت مع ناس ميعرفونيش
شكرا يابشمهندس وسورى لو ازعحتك
شكرا يا باشمهندسه ولبناني لو ازعجتك
انا تعبت يا جماعه
كميه اسئه اتسالت
وبردو مش فهماك يا على
ومتاكده ان عمرى ما هفهمك
بس انت تمام
ربنا يوفقك
ممكن سؤال بقى؟؟
لما تحس انك مجرووووووح اوووووووووى ولفتره طويله وحياتك متلخبطه وكل حاجه تعباك وحاسس انك مخنوق طول الوقت ومش قادر تعيش حياتك زى الناس ولا قادر تتعامل مع الناس وحاسس انك فى عذاب وان امنيتك الوحيده هى الموت
وفى نفس الوقت فى انسان واحد بس هو اللى يقدريخرجك من كل ده ويقدر يخليك اسعد واحد فى الدنيا بس الحد ده مش عاوز يعمل كده او بمعنى تانى مش فى ايده انه يعملك كده ومش من حقك حتى تلومه
تعمل ايه؟؟؟؟
بالنسبه لسؤال يا حنين فكرت فيه كتير اوي
مش عارف بس انتي حطيتي نفسك في خانه اليك
يا كده يا كده والحالتين صعبين علي حسب كلامك
حاولي توصليهم لحل واحد فيهم وخليه بقي مستحيل مش صعب وابداي اتعايشي معاه جايز تستريحي
وفي ملحوظه صغيره ارجو ان انتي متعترضيش عليها الزمن بينسي
اولا احب اهنيك على الموقع ده وبعدين احب لو تسمحلى انى اقولك شوية حاجات يعنى مش اسئلة . حضرتك شخصية كويسة وذكية جدا بس حاسة انك مضيع نفسك.على فكرة انا لسه سنة اولى .بس حاسة انك لومركز فى دراستك وبس هتكون من اوائل دفعتك والتركيز ده مش معناه انك تلغى نشاطاتك لكن تنظم وقتك بحيث انها تكون فى هامش يومك ولو سمحتلى انى اتدخل شوية فى حياتك .لان لى تعليق على السجاير ارجو انك تحاول تقلل منها لحد ما تسيبها خالص لانها غير انها مضرة جدا فهى مهلكة لانها حرام .وارجو انك تبعد عن اى حاجة حرام علشان ربنا يبارك فى حياتك وبالنسبة لمسألة الحب والتساؤلات الكتير عنك وعن حياتك العاطفية اسمحلى اقولك انك الى الان ما قبلتش البنت الحقيقة اللى تنسيك اى حد قبلها وتحجب رؤيتك عن اى بنت تانية .اتمنى انك تلاقيها واول ما تلاقيها ارجو انك تفتكرنى.ارجو انك تقبل الكلام ده منى كنصيحة من الطفلة الصغيرة للرجل الكبير.وعلى فكرة انا بكتب شعر وخواطر برده وبطل اشعارى اسمه”أدهم”.تيمنا بأدهم صبرى وأكيد انت تعرفه .ونصيحة اخيرة منى “دع الدنيا تبكى من جبروت ابتسامتك “
بامانه عجبني التعليق جدا
وادهشني جدا جدا تحليلك القريب اوي مني
ومش معني اني في تالته وحد في اولي بينصحني اني اسمعها منه كانه اصغر
كلنا اسره واحده وبيتهيالي اللي يتعامل مع اولي بمبدا الصغير والكبير مش هيقدر يفيدهم ولا هيقدر يستفيد منهم
وبلاش حضرتك من حق
وفي صفحه اسمها ابداعات وحوارت ابقي ابعتي فيها اللي بتكتبيه خلينا نشاركك ونشوف جايز تنافسيني في الكتابات
وربنا يوفقكوا جميعا
اولا انا سعيدة جدا ان تعليقى عجبك “ومن غير حضرتك “لانى كنت خايفة جدا انك ما تتقبلوش لانه خارج عن موضوع الصفحة .لانى بصراحة مالقيتش حاجة اسالك فيها حسيت انى عارفة كل حاجة.انما عن كتاباتى تقدر تقول ان انا مابكتبش الا لشخص واحد بس وهو ادهم يعنى عمر ما حد شاف اى حاجة من اللى انا كتبتها .لانى حابة انها تكون اول هدية لادهم الحقيقى اول ما يظهر فى حياتى.بس انا متاكدة ان لو كتاباتى اتنشرت هتكون لا تذكر جنب كتاباتك وعلى فكرة دى مش مجاملة لانك بجد موهوب وعبقرى واحساسك اكتر من رائع وبجد اتمنالك كل الخير والتوفيق فى حياتك وادعو لك بالابتعاد عن السجاير .ونصيحتى الاخيرة “لا تضع قلبك بين يدى احد وتنتظر الرحمة ولا تحب وتنتظر المقابل”
الرد كويس يا همسه بس في حاجه صغيره
انتي كتبتي
لانى بصراحة مالقيتش حاجة اسالك فيها حسيت انى عارفة كل حاجة
اكيد انتي شايفه حاجه انا مش شايفها بس ازاي يعني عرفتي كل حاجه وانتي لسه في سنه اولي
شكرا علي الرد ولو عاوزه تردي او تضيفي تعليق ويكون فيمكانه
في صفحه عاوز تقول رايك
وصفحات كتير براحتك يعني البيت بيتك
بالنسبه لسؤال يا حنين فكرت فيه كتير اوي
مش عارف بس انتي حطيتي نفسك في خانه اليك
يا كده يا كده والحالتين صعبين علي حسب كلامك
حاولي توصليهم لحل واحد فيهم وخليه بقي مستحيل مش صعب وابداي اتعايشي معاه جايز تستريحي
وفي ملحوظه صغيره ارجو ان انتي متعترضيش عليها الزمن بينسي
ياريت يا باشمهندس على توضحلى ردك بطريقه ابسط من كده شويه عشان اقدر افهمها كويس
وياريت كمان ردك مش يكون مجرد كلام بيتقال فى المواقف للى زى دى يعنى تقضيه واجب وخلاص
انا عاوزه حــــــــــــــــــــــــــــــــــــــــــــــــــــــــــــــــــــــــل
اما بالنسبه ان الزمن بينسى دى حاجه انا متفقه معاك فيها
بـــــــــــــــــــــــــــــــــــــــــــــس
الزمن بينسى بعد ما يكون الانسان حياته ادمرت وبقى حاسس من جواه انه انسان غير قابل لانه يعيش وسط الناس ويتعامل معاهم
بيبقى عايش صوت وصوره فقط وجرحه بيبقى اكبر منه بكتييييييييييييييييييييييييييير ومهما حاول يفرح بيكون حاسس ان فى حاجه جواه منعاه انه يفرح حتى لو مكنش بيفكر فى الماضى
ازيك يا على
اخبار الدراسه معاك ايه السنه دى؟؟؟؟؟؟
بمناسبه عيد الحب (كل سنه وانت طيب)ايه هو احلى عيد حب مر عليك ؟؟؟؟
وايه هى الزكرى الى كل ماتفتكرها فيه تفرح فى اليوم داه؟؟؟؟؟؟
وايه سبب هجرانك للحب السنه دى ولا الحب الى ناسيك؟؟؟؟؟؟
ممكن نتتطفل عليك ونعرف جاكلين عملت ايه لما شافت موضوع عودت ياجاكى؟؟؟؟؟؟؟؟؟؟وايه كان رد فعلها؟؟؟؟؟؟
ممكن تقولى انت بتفكر فى جاكلين بنسبه كام فى اليوم؟؟؟؟؟؟؟؟(اصل انا حاسه انك بتحبها حب ممن نوع خاص فحابه اعرف)
على هى جاكلين من كليتنا؟؟؟؟؟ وياترى انت متاكد انها بتحبك قد ماانت بتحبها؟؟؟؟؟؟؟
ياترى بطله المسرحيه بتاعتك هى دى جاكلين اه ولا لا؟؟؟لو لا ليه مااخذتهاش البطله؟؟؟؟؟؟؟
بجد بجد وحشنا ياعلى مابقناش بنشوفك فى الكليه كتير
ربنا يوفقك ياعلى
ازيك يا على
اخبار الدراسه معاك ايه السنه دى؟؟؟؟؟؟
والله زي كل سنه بخبط بس مشغولياتي السنه دي كتير اوي بطريقه رهيبه وده اللي ماثر عليا بالسلب في الحضور والمتابعه
بمناسبه عيد الحب (كل سنه وانت طيب)ايه هو احلى عيد حب مر عليك ؟؟؟؟
انا مفتكرش ولا عيد حب بصراحه غير عيد حب من زمان اوي سنتين تلاته انما قبل وبعد كده مفتكرش اني احتفلت او افتكرت
لاني اصلا ضد مسمي عيد الحب زي ما كتبت في موضوع ليله عيد مضت
المفروض يبقي كل يوم عيد في الحب لو كان حب بجد وحب حقيقي
وايه هى الزكرى الى كل ماتفتكرها فيه تفرح فى اليوم داه؟؟؟؟؟؟
انا مش بهتم بيه يوم زي اي يوم زي ما قلتلك ومش فيه حاجه افتكرها غير الموضوع اللي كتبته بيتكلم عن عيد الحب
وايه سبب هجرانك للحب السنه دى ولا الحب الى ناسيك؟؟؟؟؟؟
بيني وبينك ومتقوليش لحد انا اصلا اتعقدت من كل بنات العالم ومبقتش عاوز ا رتبط خالص ولا حتي عاوز اتجوز
وانا كده كويس الحمد لله
ممكن نتتطفل عليك ونعرف جاكلين عملت ايه لما شافت موضوع عودت ياجاكى؟؟؟؟؟؟؟؟؟؟وايه كان رد فعلها؟؟؟؟؟؟
هي اصلا جاكلين مبتعرفش تقرا عربي غير مكسر يعني بيتهيالي مفهمتش اوي اللي عاوز اقولهولها هههههههههههه
ممكن تقولى انت بتفكر فى جاكلين بنسبه كام فى اليوم؟؟؟؟؟؟؟؟(اصل انا حاسه انك بتحبها حب ممن نوع خاص فحابه اعرف)
جاكي طبعا بالنسبالي حياتي كلها يعني بشوفها في اصحابي بشوفها في نفسي في مرايتي في كتاباتي حتي في السكاشن والمسرحيه
على هى جاكلين من كليتنا؟؟؟؟؟ وياترى انت متاكد انها بتحبك قد ماانت بتحبها؟؟؟؟؟؟؟
جاكلين اصلا مش مصريه هتبقي من كليتنا ازاي؟؟؟؟؟
اول ما اقابلها واعرفها هسالها بتحبي علي قد ما هو بيحبك ولا لا ؟؟؟
بس قبل ما اعرفها واكلمها مقدرش ااكد او انفي
ياترى بطله المسرحيه بتاعتك هى دى جاكلين اه ولا لا؟؟؟لو لا ليه مااخذتهاش البطله؟؟؟؟؟؟
لا لا خالص البطله مش لها علاقه بجاكلين وبعدين مش هلاقي واحده تعرف تمثل دورها قدامي ولا هعرف احسه
من اي حد دي جاكي يا مي ولا ايه؟؟؟؟
بجد بجد وحشنا ياعلى مابقناش بنشوفك فى الكليه كتير
ربنا يوفقك ياعلى
والله ناس كتير وحشوني من الكليه
حاجه اخيره جاكلين دي واحده خياليه يا جماعه انا معرفهاش بس بحبها ممكن اقابلها في يوم وممكن مقابلهاش
ممكن تطلع في الاخر ذكري
الله اعلم بس اقدر اقول اني اعتزلت الحب والغرام للنهايه