علشان الكل يستريح ومن الاخر

قلنا نسيب الكليه علشان خاطركم قلتوا لا علي حبيبنا ومستحيل نفرط فيه ده بيساعدنا ده الناس كلها بتحبه

قلت يا جماعه انا حلو قلتوا لا انت اسوا مثال للطالب انت اوحش اخلاق في الدنيا

بتعمل كل حاجه غلط ومبتعملش اي حاجه صح الا علشان خاطر نفسك

طيب كنت بساعدكم كلكم علشان خاطر نفسي ضحيت بنجاحي وطلعت ورق ممنوع يطلع علشان خاطر نفسي وعلشان اتشهر

طيب هتشهر اكتر من كده ايه؟؟؟؟؟ شويه وهيعملولي تمثال

انا معاكم اني وحش وبعمل حاجات غلط وكل انسان بيغلط ورغم ان غلطي ده مش هياذي حد غيري اتهمتوني بيه واتكلمتوا في حقي اسوا الكلام

مش عارف انا مشكلتي معاكم ايه يمكن علشان انا ارتبط سبعتاشر مره وايه يعني ؟؟؟؟

تعرفوا ايه حصل في السبعتاشر مره دول تعرفوا ايه حصل في السبعتاشر مره؟؟؟؟

تعرفوا انا عملت اييهه او اتعمل فيا ايه

تعرفوا عني ايه غير اللي انا بظهره

مسالتوش نفسكوا في يوم ليه انا اكتر انسان محبوب واكتر انسان مكروه؟انا هرد بكلامكم اللي انتوا قلتوه عليا

هو محبوب علشان بيخدع الناس وبيتكلم كويس وبيعرف يتعامل

ومكروه علشان احنا عارفينه علي حقيقته

والله كلام يضحك وتبرير سخيف

انا بقي هقولكم انا محبوب ليه ومكروه ليه

انا محبوب علشان انا بحب الناس كلها ومش بكره حد وبتعامل مع الكل كويس ومكروه بسبب الحقد وسوء النيه

 

انا مش ملاااااااااااااعلي فكره محدش بيشكر في نفسه غير ابليس وانا مش بشكر والله انا بقول الكلام اللي بيتقال عليا من اصحابي ومن اللي بيكرهوني واللي بيوصلي

انا كنت بغلط كتير جدا وبعمل حاجات اصعب من اللي بتتهموني بيها بس مفيش انسان بيفضل كده علي طول

والحمد لله ربنا هداني واتغيرت وكل اللي قريبين مني حاسين ده وبشكرهم علي وقوفهم جمبي لانهم عارفين معدني الاصلي

 

اكتر كلام بيتقال في حقي

بتاع بنات واكتر واحد ضحك علي بنات وهنا المفاجاه بقي لاول مره هتكلم عنها انا اكتر واحد عاني في الارتباطات دي واكتر واحد اتقال في حقه كلام ومش ذنبي ان كل اللي بيكلمني يحبني وانا معرفتش احبهم دي منحه من الله اسات استخدامها قبل كده وربنا يقدرني واعرف استفاد منها بعد ما اتغيرت

ومن هنا بتاسف لاي بنت ارتبط بيها وسبتها لاني معرفتش احبها وبطلب السماح انا فعلا كنت طايش وعملت اللي عملته خوف من احراج اي واحده بتحبني وتفكير طفولي مني  وبجد انا اسف وبطلب السماح

تاني حاجه اني بشرب مخدرات

يا جماعه للمره المليون انا مبشربش مخدرات انا بشرب السجاير بشراهه وده اللي بيخلي الناس تعتقد اني بشرب مخدرات رغم ان انا بحاول ابطل السجاير ومش عارف

مدمن كحوليات   ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ لاتعليق

منافق ؟؟؟؟؟؟؟؟؟؟؟؟ اسالوا عني دكاتره سنه تانيه والمشاكل اللي اتعاملتلي بسبب صراحتي معاهم وعدم خوفي من الحقيقه اللي قلتهالهم في نظامهم وتعاملهم مع الطلاب

 

بحب الشهره ؟؟؟؟؟؟ انا وانا صغير كان نفسي ابقي مشهور الحقيقه اصل انا كنت بعمل كل حاجه بمثل وبالف وبلعب كوره في نادي كبير ومتميز في العلم والنواحي الفكريه ولما دخلت الجامعه قررت اني اتخلي عن الحلم ده وهو اللي جالي لوحده ومش حبه دلوقتي علشان الكلام اللي بيتقال عليا

وسطجي وبتعامل بالوسطه ؟؟؟؟؟؟؟؟؟؟ دبلرت سنه اولي وسطه بردو وجبت في البرمجه واحد في الميه واسطه ايه المشكله؟؟؟؟؟

كده كفايه الباقي تفاهات بتتقال من قله مش من الناس كلها

انا بقي هقولكم حاجه اخيره من كرم اخلاقي

لو لفيتوا الدنيا دي كلها مش هتلاقوا انسان اوحش مني وفي النفس الوقت مش هتلاقوا احسن مني لان انا انسان واحد يسمي علي صريح ولما اقابل بعد انسان يدعي علي صريح قلبا وقالبا

واخيرا اتمني ان كل اللي زعلتهم مني يسامحوني كل اللي جرحتهم يصفحوا عني ويعتبروني انسان جديد فاتح ايده لاي تعامل يحبوه صداقه اخوه او حتي ينسوني ولو مقدروش مش هقدر ازعل منهم لان انا اللي غلطان

انا بفتح صفحه جديده مع نفسي ومع اللي حواليا كلهم سواء اللي بيحبوني او اللي بيكرهوني

وبكرر انا كنت وحش ووحش اوي بس رحمه ربنا واسعه وانا بساله الرحمه والمغفره واسالكم الدعاء والصفح

ويا ريت اللي مش متقبلني لاحلو ولا وحش ميبطلش يجيب في سيرتي واهو كله حسنات بناخدها من ورا ناس عينوا نفسهم قضاه عليا وعلي اخلاقي وبيتعاملوا بالنميمه والغيبه

واللي عاوز يواجهني بحاجه او يتكلم في حقي انا موجود وبحب اللي يغلط فيا قدامي واحترمه بس  مش من ورايا

يا رب ان ضاقت قلوب الناس عما فيا من خير فعفوك لا يضيق

علي صريح