لا في جاكلين ولا في غيرها ولا انا مرتبط اصلا ومش كل واحد يفضل يتنبا ويتوقع ويقول كلام علي ناس ملهاش ذنب في حاجه
كل واحد يخليه في حاله وملوش دعوه بحياتي الله يخرب بيت جاكلين علي سنين جاكلين
وكل المواضيع اللي بكتبها بكتبها من خيالي مش لحد
اتمني ان الناس تكون عرفت ان كلامهم عليا او علي اي حد بيجرح وبيزعل ويبطلوا يتكلموا علي اي حد
وبخصوص جاكلين فمفيش واحده اصلا تعرفوها ينفع تبقي زيها
قاعدين تتوقعوا بس لو طابقتوا كلامي علي اللي بتجيبوا في سيرتهم هتعرفوا انكوا بتحلموا ومتوهمين الفهم
هاتولي واحده تعرفوها وصفها يليق عليه كلامي
اسكتوا اسكتوا انتوا مش عارفين حاجه
ولا هاتوا واحده اصلا تخليني احطها مكان جاكلين
دي جاكلين اللي علشانها سبت حياتي واللي بيحبوني وفي الاخر تقولولي عرفتوها ؟؟؟؟؟؟؟؟
طيب ازاي يعني تعرفوا واحده زيها؟
اي حد بيجيب في سيره الناس اقل من انه يعرف واحده زيها
وعلي العموم مفيش جاكلين اهوه بقول قدام الكل مفيش جاكلين ومفيش ارتباط مع اي حد بحب بقي ولا مش بحب دي حاجه ترجعلي ومحدش له علاقه بحاجه زي دي حتي لو هو مين انما الخلاصه ان مفيش ارتباط ومفيش جاكلين اللي فاهم بقي يقول للي بيستعبط
عزاء واجب البقاء والدوام لله انتقل الي رحمه الله تعالي والد المهندسه الوقوره ساره المتولي
اللهم اغفر له وارحمه واجمعه مع الصديق والنبيين
الرجاء من كل الزوار الدعاتء له بالرحمه والمغفره
رحمه الله ورحم والدي وموتنا وموتي المسلمين
ولا تنسونا من صالح دعاءكم
ان شاء الله الباشمهندسه تعدي الازمه وربنا يصبرها ويلهما السلوان
امال جاكلين اللي بتحكي عنها دي راحت ولا ماتت ولا ايه؟؟
ربنا يهدي الجميع ويبعد عننا الشياطين يااارب
استمر في كتاباتك وخيالاتك يا بشمهندس..
واحنا معاك متبعين مواضيعك
مش فضول وانما لمتعة فراءة مواضيعك بجد ما شاء الله ههااااااايله ربنا يبارك فيك ويحميك ويوفقك للخير ياارب ……
ويارب تلاقي اللي قلبك بجد بيحبها او لسه هيحبها بس ساعتها توريهالنا عشان نشوف ذوقك ايه ههههههههه
هههههههههههههههههههههههههههه
حاضر هستمر
شكرا علي المتابعه
وربنا يوفق الكل ويهدي الكل
اسمع صوتك يشهد وجهك اشعر انك بين جفوني واذوب حنانا وحنينا للقاءك يا ضوء عيوني (علشان جاكي)
نعالي من ورا حزني تعالي من خيالي وتقول انسي ؟؟؟؟
احبك احبك احبك
انا لفيت حتي تعبت الدنيا من اسفاري وما لقيت في عز الشتا مثلك دفا واخلاص يا جاكي
نهاري والسهر انتي واحلام العمر انتي
ولو بانلي صوتك عرفت السر في سكوتك
انا عشقك وانا موتك وانا داري
وتقول انسي ؟؟؟؟؟
احبك احبك انا احبك
غالي ولا يمكن تهون في القلب حبك وفي العيون بين المشاعر والورا
يا احلي من روحي وارق غالي ولا يمكن تهون
خايف عليكي من العيون من العوازل والظنون
انت الوحيد بدنيتي واللي علي روحي تمون
اخفي الهوي ما هو جفا اخفيه من كثر الوداد ياللي عملتني علي الوفا يا اغلي من كل العباد
يخونني التعبير لكن في غرامك ما اخون غالي ولا يمكن تهون
ودي كمان علشان الناس المتابعين ميزعلوش
بجد جميييييييييل جميييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييل اوووووووووووووووووووووووووووووووووووووووووووووووووووي لو تكمل على الكلام ده وتحطه موضوع يبقه بصراااحة جنااان ..
تسلم يا علي على كلامك وكل مرة احلى واحلى بس دي احلى حاجه بجد
ميرسي بجد يا باشمهندس على ذوقك واهتمامك بتعليقي …..وبجد كلام مذهل وراائه الله يبارك فيك ونقرألك المزيد والمزيد ……ومستنين برده تاني جديد واهديه لينا مش لجاكي كفايه عليها اللي كتبته ليها ههههههههههههههههههههه نووووووو ايام جوكينج
الله يوفقك معاها يارب واحنا كمان الله يوفقنا ويارب خيييييييييييييييييييير ويكون ما في الا الخيييير شكلي هاقلدك واكتب زيك عن حبي ههههههههههههههههههههه بس انا فين وانته فين ما شالله دوون حسسسسسسسسسسسد
يا شباب بطلوا تنبئتكوا العظيمه وبطلوا كلام عن ناس ملهاش ذنب وبعدين معروفه ان على صريح خياله واسع فالمفروض تكونوا عارفين انها واحده فى خياله مش فى الواقع خالص
وان شاء الله تلاقيها يا على
حلو اوى اهداءك لجاكلين
ربنا يحميهالك يارب ويخليكوا لبعض
ولو لسه مش لقيتها ان شاء الله تلاقيها وتكون بتحبك زى ما انت بتحبها كده
ali&jaklen
forever
يلا اى خدمه ههههههههههههههههههههههههههههه
ههههههههههههههههههههههههههههههههه
متابعين المدونه عاملين جو قلق وجاكلين وبتاع
علي العموم خير الحمد لله
ربنا يخلينا لبعض اهم حاجه سيبكوا انتوا بقي
وبنكررالعزاء هنا كمان للباشمهندسه الوقوره ساره المتولي في وفاه والدها الرجاء الدعاء له بالرحمه والمغفره
ولوالدي وموتانا وموتي المسلمين
اللهم ارحمهم يارب العالمين
وارحم جميع المسلمين
هو ده .
هو ده الحب الحقيقي عندما ترى الشخص بقلبك قبل ان تراه عيناك ،عندما تتدغدغ انامله تقاسيم وجهك فترقص مشاعركعلى الحان العشق الدافء الذي يغلغل في زوايا حياتك فتضيء بسمة الامل صفحات حياتك وتصدح حنجرتك بانشودة(الحب).اكمل طريقك على هذا النحو وقلبي معك.
ولو في جاكلين ايه المشكله عااااااااااااااادي جدا !!!!!!!!!!!!!! الحب مش عيب يا علي ولا انتا ايه رايك ؟؟؟؟؟؟؟؟؟؟ تلاقي الناس هنا حابه تعرف فضول مش اكتر البنوته اللي خطفت قلب ((علي)) مفيش مشكله واللي يقول يقول سواء جاكلين كانت موجوده في حياتك أو لأ ………….
انت طالع فيها اوى كده ليه يا كابتن على
انت فاكر نفسك ايه
اهدا شويه كده وبلاش العنطزه اللى ملهاش لزمه دى … مش انت الواد اللى هو يعنى
امال لو كنت حلو شويه كان ايه اللى حصل
قال اسطوره قال… بأمارة ايه طيب
والله منا عارف باماره ايه اصلا قالوا عليا اسطوره
بس العيب مش فيا العيب في التحكيم
انا لو كنت حلو شويه كنت عجبتك ومكنتيش دخلتي هنا وتعبتي نفسك علشان تقولي الكلام ده
والله انا اسف علي العنظزه دي مع اني مش فاهم هي فين ؟؟؟؟؟؟؟
وانا فعلا مش الواد اللي هو انتي كلامك ثقه
بس نصيحه مني ليكي ابقي قولي الكلام بطريقه متجدلش علي الغل والعصبيه
خليكي ريلاكس وانا بحترم رايك جدا
عندك حق والله يا بنتى
انت فاكر نفسك ايه وبتتكلم كده ليه
من كلامك بتحسسنى ان مفيش غيرك فى الكون وخلاص بقى كل البنات هتموت عليك
ابقى قابلنى لو حد عبرك
ده انت حتى مش فيك اى حاجه حلوه
وكل حاجه بتعملها غلط
بص لنفسك كويس فى المرايه
وفكر فى تصرفاتك
هتلاقى نفسك وحش اوى
صدقنى مش انت الانسان اللى البنات بتحلم بيه
وبعيدا عن البنات
بردو مش انت الانسان اللى نحترمه
ربنا يهديك يارب
ويرحم الناس منك بقى
اولا بشكرك
ثانيا بتاسفلك علي الاحساس اللي وصلك ده من نحيتي
ثالثا انا فيا كل ده دخلتي مدونتي ليه؟؟؟؟؟؟؟؟ انا قلتلك ادخلي ؟؟
اللي فيه اللي بتقوليه ده مينفعش تقراي كلامه وتردي علي مواضيعه
رابعا انا عارف ان مفيش فيا حاجه حلوه ومش معني اني بكتب حاجات فيها البطل كويس يبقي اقصد نفسي
وكلامي اللي مش عاجبك ده مش عني والله
علي فكره انا موافق تماما ان مش انا الانسان اللي البنات تحلم بيه لان انا مش عاوز ابقي كده اصلا
بس بيتهيالي مستحقش من سيادتك انك تقولي عليا مستحقش الاحترام كمان
ربنا يهديني ويرحم الناس مني
ولو قصدك علي الموضوع ده فمن حقي اني ادافع عن ناس بيتهموهم بيا من غير ذنب
الموضوع بقي رخم اوي اوي اوي
والناس بدات تفقد اعصابها وبتغلط فيا
مع اني متاكد اني ماذتش الناس اللي بيغلطوا فيا دول باي حاجه الا اني بترجاهم يبطلوا يغلطوا في شخصي
لو انا غلط في شخص حد فيهم يبقي يجي يغلط فبا
ويا جماعه انا مش عامل الموضوع ده علشان اقو ل اني مغرور او مشهور انا بس مستحرم الناس اللي بيقولوا علي مرتبط بدي وبدي وانا اصلا مش مرتبط
يا رب الرساله تكون وصلت وميبقاش في واحده تالته ورابعه مخنوقين مني
تعرف يا باشمهندس على
انا اول مره احس انى ندمانه على حاجه اوى كده
بجد اسفه على اى كلام قلته عليك
والله اسفه
انت اه فيك عيوب بس انا بردو عندى عيوب وكل الناس عندها عيوب
انا مش عارفه ازاى انا قلت كده
والله مش عارفه
ياريت تسامحنى وتقبل اسفى يا باشمهندس مع ان انا مش هقدر اسامح نفسى ابدا
كفايه ردك عليا ده لوحده يثبتلى انك محترم لانك رديت عليا باحترام مع ان كلامى كان غلط وباسلوب غلط خالص
عالعموم انا مش هدخل المدونه تانى لانى مستحقش اصلا انى ادخلها ولا اقرا مواضيعك الحلوه دى
ربنا يوفقك
وبجد اسفه اوى
لو عرفتي انا فرحت قد ايه بردك ده هتدخلي كل يوم صدقيني يا باشمهندسه
اللي قلتيه يخليني انسي انك قلتي في حقي اي كلام
ربنا اعلم انك خرجتيني من حاله نفسيه وحشه اوي
وحسستيني ان في امل ان الناس تقدر واوعي تقولي ارجوك سامحني ارجوكي انا سامحيني علي احساسك دلوقتي وول كنت اعرف انك هتبقي زعلانه وندمانه والله ما كنت رديت
بصي يا باشمهندسه
انتي احسن من ناس كتير اوي دخلوا ردوا وغلطوا فيا وانا رديت نفس الرد بس هما اهانوني تاني وتالت ومدوش لنفسهم فرصه انهم يبطلو يغلطوا فيا
يا ريت تفضلي تدخلي المدونه يمكن تصدقي اني فعلا والله مسامح ويا ريت مش تبقي زعلانه
وعلي فكره اسلوبك مكنش وحش لو شفتي الردود التانيه هتعرفي
مش تزعلي بقي والا هزعل انا كمان واقفل المدونه واقعد في البيت
ها هتدخلي تاني ولا اقفلها خالص ؟؟