صور فضايح منتخب مصر في جنوب افريقيا من كلام عمرو اديب وهجومه علي المنتخب

 

 

 

اتهم عمرو اديب لاعبي منتخب مصر بممارسه اعمال مخالفه للاداب وادعي ما سماه بفضايح المنتخب المصري هناك واكمل قائلا هذه هي المقالات التي نشرت في مجلات جنوب افريقيا وان المنتخب القومي قد سرق بسبب فتيات الليل اللاتي اصطحبن من قبل بعض اللاعبين للاحتفال بالفوز علي ايطاليا والكلام علي لسان عمرو اديب مكملا فضحونا وعكننوا علينا

وهذه بعض لهذه الصور التي كشف عنها النقاب الاعلامي الكبير اوي عمرو بيه اديب

هنا كل الصور اللي ممكن تتخيلها او مش تتخيلها عن لاعبي المنتخب واسباب الخساره وتداعياتها

ونبدا باول فضيحه للمنتخب المصري بكاس القارات
ا__ سايبين اعلاميين في مصر كل اللي يعرفوه عن الاعلام انه زي الموضوع ده عنوان مثير الناس تتكلم فيه
طبعا استغلها كويس عمرو بيه اديب ما سامحه الله
اول صوره هو اللي عمله عمرو اديب كلام بذئ وكلام فارغ عن لاعيبه بيمثلو مصر ومتجوزين
ولسه في اول صوره بردو عمرو اديب بقول مفيش نسوان في مصر ولا ايه ؟؟؟؟؟؟؟؟
ده علي اساس ان اللاعيبه حرام يصطحبوا فتيات ليل هناك وحلال هنا واهو بنت بلدي اولي (كلام فارغ طبعا)
ولسه في اول صوره عمرو اديب قال اللاعبين مش قادرين يقفوا علي رجليهم (المقالين انتشروا قبل الماتش بيومين) بقي ده اسمه كلام واكتشفها بفطنته ان اللي اتقال في المقال هياثر علي اللاعبين يومين بحالهم بعد التمرينات كمان
وبردو في الصوره الاولي عمرو اديب بيقول منزلش حمص ليه وملعب احمد فتحي في مكان غير مكانه
اولا عمرو اديب لا لعب كوره في حياته ولا سمعنا انه بيفهم في التدريب
والاجابه علي السؤال الاول حمص منزلش ليه من كلام المحللين والنقاد ان حمص مكنش له دور في ظل وجود حسني وشوقي وهو كمان كان مصاب واتحامل علي نفسه وكمل ماتش ايطاليا بالعافيه
بالنسبه لاحمد فتحي لعب في مركز الظهير الايمن ميه مره قبل كده وغانا 2008 خير دلل ولعبه مع الاهلي كمان خير دليل
وننتهي من اول صوره للفضيحه

ونشوف تاني صوره

تاني صوره بقي بردو عملوها انهم بيسجدوا في الملعب (حرام عليهم)ما هو الاخ عمرو بردو قال اتفرجوا علي فضايح فريق الساجدين
يعني تشكيك في الاخلاق وكمان تشكيك في العقيده
ده يدي صوره علي المصريين والمسلمين بايه اكيد بالنفاق ناس بتسجد وبعد ما يكسبوا يروحوا لفتيات الليل

تالت صوره بقي

جماهير الاهلي المتعصبه اللي بتهاجم بس علشان تهاجم وده من بعض جماهير الاهلي (الحضري لما يلعب للمنتخب يبقي علي دماغنا كلنا من فوق ) غلط الحضري مقلناش حاجه بس اللي مبيغلطش يهاجمه وبعدين الراجل اعتذر هتستريحوا لما يعتزل اكيد ؟؟؟؟؟؟
وبعدين لولا الحضري كان زمانا خارجين من غير ولا نقطه والراجل اتخيط في الملعب ولعب واتحامل علي نفسه

رابع صوره فضيحه بردو لان اللاعبين سابوا بلد عايشه الماتش بس مش عايشه البطوله

بمجرد ما يخسروا يبقوا لاعيبه ولاد ستين في سبعين ولو كسبوا البلد تخرج في مظاهرات فرحانين بيهم الماتش بماتشه يعني لو كنا مكسبناش الكاميرون في نهائي 2008 كان زمان حسن شحاته دلوقتي لسه بيدرب المقاولين رغم انه هو اللي وصلنا للنهائي

خامس فضيحه بقي بردو تسبب فيها اللاعبين بجد هي الخساره المذله من امريكا تلاته صفر اللاعبين معاهم كل اعذارهم بس تلاته كتير كنا نخسر اه بس واحد اتنين وكل الظروف ضدنا غياب خمس لاعيبه مهاجمين اصابه خمسه تانين قبل واثناء الماتش اللياقه البدنيه مش مساعده الظروف النفسيه
بس تلاته كتير يا رجاله شدوا حيلكوا واقفوا علي رجليكوا من تاني مستنين كاس العالم وان شاء الله نقدر

سادس صوره من الفضايح

هي تهديد ابو تريكه وزيدان بالتخلي عن المنتخب هما مش بيلعبوا لعمرو اديب ولا لشوبير ولا لاي اعلامي دول بيلعبوا لمصر كان مهما حصل المفروض اللعب لمنتخب البلد ملوش علاقه وبعيد كل البعد عن المهاترات دي

سابع صوره

هي موقف عمرو زكي اللي اتخلي عن المنتخب بعد ما فكر نفسه خلاص نجم واهو خد جزاءه وبيتمرن في الزمالك خلي بقي الغرور ينفعك
عيب يا عمرو شاطر بس تهرب ميدو من المنتخب وبعدين ده جزاء بابا حسن اللي خلاك نجم؟؟؟؟؟؟؟؟؟؟؟

بيتهيالي دول اهم سبع فضايح للمنتخب القومي في جنوب افريقيا سته منهم سببهم ناس مننا ناس من الشعب اللي زعلان اوي
وواحده بس من اللاعيبه

الناس اللي داخله هنا بتدورعلي صور للاعبين احب اقولهم ان مفيش صور لان مفيش جريمه وحتي لو كان في وكان في جريمه اتقوا الله في ناس فرحونا كلنا في ناس متجوزين وعندهم اولاد
ومتخلوش الجري ورا الفضايح يقضي علي الصفات الكويسه اللي كانت موجوده عند الشعب المصري

 

انا واحد من البلد دي ومش بهاجم والله ولا بدافع ويمكن عدد قليل اوي ميعديش الالف واحد هيقراوا الموضوع ده بس اديني عملت اي حاجه كتبت كلمتين علشان مبقاش سلبي

احنا اللي وصلنا اللاعيبه لحالتهم دي واحنا اللي مش قادرين نصدق انهم مننا يعني زينا مش نازلين من السما بيتعبوا وبيزعلوا وبيحسوا ومتجوزين وعندهم اطفال وحياه عاوزين نبقي زي الاجانب ويبقي عندنا فضايح المشاهير

وبعدين الكوره مكسب وخساره ومفيش فريق هيكسب علي طول وحتي لو موصلوش كاس العالم هاتوا جيل عمل اللي هما عموله وبعد كده ابقوا قارنوا بيه

كلمه حق انتم الجيل الافضل رفعتوا راسنا في جنوب افريقيا وباذن الله هترجعونا تاني السنه الجايه

علي صريح

بيتهيالي اللي بيته من ازاز ميحدفش لاعيبه المنتخب بالطوب

عمرو اديب هذا هو الوجه الاخر للنفاق الاعلامي