لو عاوزني ابقي احسن (تفتكر ممكن اعمل ايه)؟؟؟؟؟؟؟


يا جماعه  الصفحه دي  مش علشان  تقولوا رايكوا فيا  الراي في  صفحه عاوز تقول رايك فيا بصراخهانما هنا علي صريح في نظرك هيبقي احسن لو عمل ايه؟

يا ريت يبقي في نقاط مرتبه

مثلا

1_يا عم اونت تبقي احسن ليه خليك كده

2_ارمي نفسك في البحر

3_ارحمنا واقفل الموقع ده

يا ريت الناس تكتب وياخدوا ثواب

تعليقات
  1. alisarieh قال:

    هو محدش ناوي يساعدني ولا ايه؟؟
    يا جدعان عبرونا بقي انا فاتح الموقع ده باكل منه عيش بلاش وقف الحال ده
    امال فين اصدقاء المدونه واصدقائي اللي بالملايين دول
    انا فوجئت اننا بيزورني ميه ميه وعشرين واحد يوميا واللي بيرد واحد او اتنين بالكتير
    الصفحه دي مهمه جدا بالنسبه ليا واتمني ان الناس ترد فيها

  2. The dream قال:

    بص انا هقولك
    انت كده تمااااااااااااااااااااام اوي بس عايز شوية تظابيط
    1- تبطل سجاااااااااااااااااير ( عشان صحتك في الأساس )
    2- مش هقولك البنات وكده عشان عارفة هتقول صحابي وزي اخواتي والكلام ده بس خلي المعاملة معاهم عادي مش اوفر ( وياريت كفاية اوي وخليك في الصبيان شويه )

    الصراحة ده اللي فكراة الوقتي لو افتكرت حاجه كمان هقولك
    ( بصراحة برده في حاجة كمان بس انا مش عارفة اقولها الوقتي هظبت الصياغة واقولهالك عشان مش تفهم غلط وتزعل بس انا مش عارفه اعبر عنها الوقتي )

    ادخلك هنا تاني قريب ان شاء الله

  3. رانيا قال:

    انا بكتب علشان اخد ثواب كمل كتاباتك وموضوعاتك ومتقفلش الموقع لانه جميل وماترميش نفسك فى البحر ولاحاجه والله انا حاسه انك انسان عادى انت محسسنى انك اوفر اوى بس انت لو عاوز تتغير للاحسن حاول وربنا معاك وتتغير بجد

  4. alisarieh قال:

    يا تري قصدك ايه باوفر يا رانيا؟
    سؤال يطرح نفسه وانا اقل من العادي علي فكره شكرا
    وبالنسبه لدريم
    كلامك زي الفل ومش عليه اي اعتراض مستني بقيه الكلام والمشاركات
    شكرا دريم

  5. ملكش دعوه قال:

    اولا تقفل المدونه دي وبالذات الصفحات اللي فيها اراء الناس
    تنسي انك علي صريح خالص
    تبدا من جديد
    تحاول تفرق بين اصحابك واللي بيدوروا علي مصالحهم
    انسي الغرور وانسي اراء اللي بيجاملوك
    ثق في نفسك
    ملكش دعوه بالريس ولا البنات وانت هتبقي زي الفل
    فاعله خير

  6. alisarieh قال:

    مش عارف ليه كنت متوقع الرد ده بالكلمه والحمد لله اني مستعد بالاجابات
    المدونه مش هينفع تتقفل لانها المتنفس الوحيد ليا اللي بكتب فيها اللي انا عاوزه
    وابدا من جديد ممكن ابدا من جديدمن غير السلبيات ومش هسيب الاجاتبيات بردو
    اكيد لازم الواحد يفرق بس انت هتعرف منين؟؟
    عمري ما كنت مغرور والله ابدا واكتر حاجه بكرهها هي الغرور
    الحمد لله بقيت اكتر انسان في الدنيا عنده ثقه في نفسه
    الريس والبنات حبايب قلبي مقدرش استغني عنهم الريس زعيمي والبنات زمايلي واخواتي وزيهم زي الولاد بردو
    وانسوا بقي الموضوع ده بقي قديم

  7. سوزان قال:

    بص يا علوه انت اكيد انسان غريب وفي حاجات بنعرفها عنك او بنوفها تناقض بعضه يعني كتاباتك وشخصيتك اللي مكبره علي الاخر حزنك في كتاباتك وهزارك وضحكك المتواصل في الكليه
    بس ده ميمنعش انك ممكن تعدل من نفسك شويه
    1_قلل شويه من هزارك
    2_قلل من وقفه البنات
    3_قلل من ارتباطاتك الكتير دول
    4_حول اي كليه غير حاسبات

  8. The dream قال:

    4_حول اي كليه غير حاسبات

    ياسلااااااااااااااااااااااااااااام
    مايحول من بيته بقي كمان عشان يبقي اتغير نهائي ونشوف واحد تاني غير علي صريح ويغير اسمه بالمرة ويتبري من نفسه ( هو اما يسيب المكان اللي هو فيه هيتغير ؟ لا طبعا معني كده ان الكليه ماثرة علينا كلنا ولا ايه يعني العيب في الكلية مش في علي علي كده )

    حزنك في كتاباتك وهزارك وضحكك المتواصل في الكليه

    يمكن بيحب يخرج الحزن من جواة هنا بس مش بيحب يشيل حد همه في الكلية وبيحب يفرح صحابة دايما

    الكلام الباقي بقي صح يبقي كويس لو قلل منهم

  9. bAkAr قال:

    nO cOmMent

  10. هية الحياه كدة قال:

    بص بصراحة انت شخصية غامضة ومش مفهومة اوى دة اللى انا شيفاة وانت الوحيد اللى عارف اية الوحش فيك بس اللى شيفاة ممكن تغيرة
    1-بلاش سجاير خالص
    2-حدد هدف قدامك علشان تقدر توصلة
    3-قلل البنات واختار منهم اللى بيخافوا عليك

  11. BooDy قال:

    ازيك يا علي؟؟
    بقالي كتير مكتبتش ردود عندك

    بص يا سيدي … انت فعلا محتاج تحسن نفسك في حاجات كتير:
    1-ياريت تقلل من هزارك شوية … انت فعلا هزارك حلو بس بصراحة بتهزر كتير زيادة عن اللازم

    2-الوقوف مع البنات و كده … أنا مش هتكللم في النقطة دي عشان “ذا دريم” قالت اللي انا عايز اقوله
    بس يعني على الأقل … خلي معظم وقفتك مع الرجالة

    3-السجاير

    4-بطل تتريأ على الناس شوية!!

    كويس انك عرضت موضوع زي ده

    انا كنت بفكر اعمل حاجة زي كده بس انت سبقتني :)

  12. alisarieh قال:

    غامضه مش مفهومه يا هي الحياه
    وانا اوقات بحس كده بس الاحساس ده للي بعيدين عني مش قريبين مني
    وبالنسبه لبودي
    وحشتني ردودوك وشكرا

  13. هية الحياه كدة قال:

    ممكن فعلا علشان انا بعيدة مش قادرة احدد الشخصية بس فيك حاجات كتير حلوة

  14. هية الحياة كدة قال:

    ممكن تكون غامضة علشان اما فعلا حددتها من بعيد ، بس كتاباتك حلوة اوى

  15. هية الحياة كدة قال:

    معلش انا عاوزة اقولك معنى شخصية غامضة انى بحس ان دماغك مشفرة ومحدش يقدر يفك الشفرة دى الا انت فيها حاجات خفية محدش يعرفها الا القريبين منك اوى

  16. alisarieh قال:

    كلامك صح ميه في الميه وعلي فكره انا سعيد جدل بمتابعتك لكمل الكتابات والصفحات
    شكرا ليكي

  17. 7amza قال:

    رأى فيك واللى ظاهر يعني واللى بسمعه من الناس انى اعرفك من زمان فيمكن عارفك شويه وعارف خباياك …. بس طول الفتره اللى عرفتك فيها دي انت محتاج حاجتين بس تاخد قرار صح وتنفذ القرار دا ..القرار اللى أأقصده دا يمكن انك
    1/تبطل تدخين
    2/ تبطل تظبيط
    3/ تثق ف نفسك شويه مفيش مشاكل تبقي مغرور لان مفهوم الغرور عندي هي الثقه
    4/ تبطل تقرا كلامي دا تانى وتقرأه مره واحده بس ومتحولش تفهمه على اد ما تعزم انك تنفزه .يمكن انا اكتر منك ف العيوب بس انا اقل منك فى ظهور العيوب دي ……… ربنا يحميك يا علوه

  18. alisarieh قال:

    هبطل تدخين وابطل سجاير وابطل تظبيط يا لهوي
    الا التظبيط معجباتي يا عم lol
    انا خلاص بطلت تظبيط للابد
    والغرور بقي مستحيل
    انا لو كنت عاوز اتغر كان زماني اتغريت من اسبوعين lol

  19. علي العطار قال:

    هل فكرت يوما
    لماذا يحبك الناس؟

    لو لم يكن عندك الجواب فأنا عندى
    الناس بيحبوك ليس لانك حبوب وعفوى وطيب وزكى
    ورومانسى وتامر حسنى وحساس واليسا وكده وووووو
    لأ
    الناس يحبوك لان
    الله يحبك وقد نادى فى جبريل وقال له انى احب فلان فاحبه
    ونادى جبريل فى الملائكه ان الله يحب فلانا فاحبوه
    وان الملائكه نادت فى اهل الارض ان الله يحب فلانا فاحبوه
    فاحبك اهل الارض
    بالله عليك حافظ على هذا الحب
    أنا اعرفك شكلا
    واسمى على زيكو وفى حاسبات بس انا طالع تالته
    وكان المفروض اطلع رابعه
    بس اللى حصل
    الحمد لله

    انت
    جدع
    جرىء
    خجول
    زكى او قد تصل الى العبقريه
    شخصيه نادره
    موهوب
    خدوم
    تحب الشهره كما قالوا(ودا مش عيب انك تكون موجود فى الدنيا مش زى غيرك
    بس احيانا بيبقى عيب
    متكبر ومتواضع
    قوى ووضعيف
    دمك خفيف ورخم احيانا(دا شيىء اكيد)
    مصرى(ومبتحبش الريس وولاده زى كل المصريين)
    مش متحمل المسؤليه(فعلا دا باين من كتاباتك)
    بتشرب سجاير(عادى مش عيب دى معصيه لو هتقدر تتحمل عقوبتها اشرب براحتك(هتقدر ولا هتفكر تانى)
    انا كنت..كنت..بشرب
    بتحب تعرف راى الناس فيك(دا عيب فعلا)
    بتوصل بعلاقاتك لدرجه الابتذال فى المعاملات

    بس كل الاسباب اللى انت واخدها
    وكل اللى بتعمله أصفار ليس لها قيمه بدون معية الله
    000000000000000ليس لهم قيمه
    عندما تنزل معية الله
    معيه الله =1
    1000000000000000
    يكون كل صفر قصدى كل سبب انت واخده له قيمه
    اذا ضاع اى سبب
    مازال لديك رصيد
    ولكن اذا ضاعت معيه الله
    فماذا يبقى لك
    00000000000

    انا مش ملاك برده
    انا لسه سامع الكلام من شهر بس

    بس علشان بحبك لازم اقلك
    ولو بتحبنى اسمع منى

    لا تبحث عن راى الناس فيك
    ولا عن راى نفسك فيك
    ابحث عن راى ربنا فيك

    وزى ما قلت لك

    دور على معيته وحافظ على حبه ليه

    بتحبنى ولا

    انا بحب الكتابه برضه
    وليا حاجات
    وبقرأ لواحد اسمه
    لطفى المنفلوطى
    وبموت فيه
    ايه رايك فيه

    مش هتلاقى زي ه صدقنى

    طولت عليك
    سامحنى

    على العطار
    ملحوظه خارجيه انا كتبت التعليق نيابه عنك يا بشامهندس اهوه زي ما بعتهولي بالحرف وباسمك كمان علشان مش تزعل من المدونه وصعوبه التعليق اللي بتقابلك

  20. علي صريح قال:

    الف مليون شكرا علي كلامك
    اولا
    انا ببعد عن كتاباتي عن الدين خالص او علاقتي بربنا
    وتاكد ان انا متاكد وواثق ان كل ده بسبب حب ربنا ليا وبسبب اخلاقي اللي انت بتوصفها بالابتزازيه
    بس اكيد معذور انت علشان مش قريب مني
    شكلي مش حلو علشان ابقي تامر ولا حتي اليسا اللي انا شخصيا مبحهمش الاتنين
    ولا مغرور خالص علشان اتكبر واكتر حاجه بكرهها في حياتي الغرور
    يمكن ضعيف معاك فيها وقوي احيانا
    بس تاكد ان كلامك كله صح ان كل ده فضل من ربن
    بالنسبه لحبي في معرفه راي اصحابي عني اكتئاب حصلي بسبب كلام كتير وحش مش فيا بيتقال عليا وبيتهيالي لو انت عارفني شكلا زي ما بتقول يبقي اكيد متوقع الكلام علي ايه
    فحبيت ارجع بعض الثقه في نفسي او حتي اتاكد ان اللي بيقولوا عليا صح
    وتاكد ان اي حد مش انا بس بيتمتع بالحب ده اكيد هيكون عارف ان ربنا بيحبه
    بس زي ما قلتلك انا ببعد بكتاباتي عن الدين خالص وعن الوالدين لان دول مش هقدر اكتب فيهم حاجه خالص
    ويسعدني اني اشوف كتاباتك واكيد المنفلوطي من الشخصيات اللي بتاثر فينا كلنا
    وطبعا ردك هرفعه زي ما هو كده في المدونه وبعديه الرد اللي انا كتبته ده ويشرفني انك تواظب علي النصح والتعليقات وقراءه كلامي اللي انت مقلتليش رايك فيه ايه
    اها نسيت اقولك ان العبقريه هي الصفه الوحيده اللي واثق انها فيا من اللي انت قلته علشان خليت كل الناس باختلاف انتمائتها ومشاعرها نحيتي كره حب نصح يكتبوا ويردوا عليا lol

  21. modyabdallah قال:

    ايه يا جماعه انتوا سخنتوا ع على ليه كده ازيك يا واد عامل ايه بصراحه كده مين فينا يعنى اللى مش فيه عيوب النا س كلها فيها بس فيه اللى بيعرف يخبى العيوب دى. وعلى عارف انى فيا كتير اوى منه بس ع الهادى ولا ايه يا علوه بس نصيحه منى خليك مع ربنا واللى انت شايفه صح ومش يغضب ربنا اعمله وسيبك من كلام الناس لو انت شايف نفسك صح انا عن نفسى بنصحك نصيحه مش بنفذها واناهحاول استقيم شويه ف رمضان وربنا يوفقنا يا رب.من حق يا على انا نجحت مش عارف ازاى لحد دلوقتى يلا يا واد عيش حياتك سلام

  22. حنين قال:

    انت انسان كويس ومحبوب وتستاهل كل خير بس…..
    ابعد شويه عن البنات خلى الموضوع فى حدود المعقول
    عندك لا مبالاه شديده فى مواجهه اى مشكله
    بحس انك بتعرف تعمل اى حاجه غير انك تزاكر ياريت تهتم شويه بدراستك انت انسان ذكى ولو عاوز تجيب تقدير كل سنه هتجيب بس انت شد حيلك
    اخر حاجه عاوزه اقولها ان الناس مكبرين الموضوع لانك واحد زى اى واحد بس عشان انت معروف و محبوب من ناس كتير ده بيخليك شخصيه معرضه للنقد الكثير واللى عاوز يخلى على صريح يحول من الكليه يبقى غلطان لان الكليه متنفعش من غير الباشمهندس على صريح بس فى حل تانى ان هو اللى يحول من الكليه …..ياريت كل الناس زى على صريح
    اقعد مع نفسك شويه واعمل اللى انت شايفه صح بس طبعا حاول تاخد براى الناس اللى انت بتثق فيهم لانهم لما ينقدوك فى حاجه ده معناه انهم بيحبوك وخايفين عليك وبردو انت مش عايش فى الدنيا لوحدك واكيد راى الناس مهم

  23. موني قال:

    كفايه الرد بتاع حنين يا علي انا مش في الكليه زي منتا عارف بس عارفه قد ايه انت كويس وقد ايه دمك خفيف وحبوب ومحبوب
    وبيتهيالي لو في حد بيكرهك زي ما بتقول يبقي اكيد بيحقد عليك يا لولي
    ويا ريت مش الكليه بس تبقي زيك كلها يا ريت الناس كلها تبقي في طيبتك وروحك و قلبك

  24. alisarieh قال:

    انا مش عارف الصفحه دي بقت الرئيسيه ازاي يا جماعه
    بس الموضوع عاجبني ومخبيش عليكوا انا مش عارف ارجع الصفحه الرئيسيه وفي نفس الوت مبسوط ان الكلام ده الصفحه الرئيسيه حاليا
    ومشكوره يا حنين ويا موني ويا محمود علي الكلام الحلو جدا ده

  25. A.K قال:

    مش ملاحظ حاجه يا على ان اكتر ناس عرفاك ومعشراك
    محدش منهم رد انا اقصد اصحابك اللى من اول سنه اولى معاك
    اولى اول مره مش تانى مره
    وكل اللى اتكلموا من الدفعه اللى كانت جديده
    على العموم يا على انت محتاج وقفه مع نفسك عشان تتغير مش كلمه او راى من حد
    وانت مش وحش يا على ولا بتعمل حاجه غلط

    وعلى فكره انا واحد من دفعتك القديمه
    A.K

  26. alisarieh قال:

    اكيد يا كيمو انا ملاحظ بس صدقني الدفعه القديمه اللي المفروض عاشروني سنتين مش بحبهم قد الدفعه الجديده يمكن اصحابي وانتيماتي من القدام بس الدفعه الجديده عامه علاقتي بيهم تختلف عن علاقتي باي دفعه
    انا مبسوط من ردك يا كيمو ومشكور ويا ريت الدفعه القديمه كمان ترد زيك
    بس انا ليا راي كمان وهو ان اللي فشلوا معايا ودبلروا هما اللي بقول قريبين مني من الدفعه القديمه
    واخيرا انا بحب كل الناس ياجماعه بس اعذروني دفعه 2007_2008 هما اكتر دفعه بحبها

  27. alisarieh قال:

    وبعدين انت وميزو وبودي وحنين من اىلدفعه القديمه يا كيمو وبعدين المفروض ان احنا بقينا دفعه واحده دلوقتي بندخل الكليه معاهم وقاعدين معاهم مفيش فرق يعني

  28. alisarieh قال:

    يا ريت تكبر كده وتتعتمد علي نفسك وتبقي راجل بمعني الكلمة علشان الرجولة مش اني ازعق او اشرب سجاير الرجولة اني اتحمل المسئولية وانا عارف انك راجل واد المسئولية ربنا يوفقك يا علي
    المخرج / محمد الاتربي

  29. alisarieh قال:

    الاستاذ محمد الاتربي استاذي ومعلمي فخر ليا لما ترد وتقول الراي ده فيا وان شاء الله ابقي قد المسؤليه وكمان البطوله جايه في السكخ ان شاء الله

  30. انا هقولك بس مش هترفض
    هوه ده راي انته شيك علشان انته من المنصوره انا شوفتك قبل كده وخود
    خود احدث منتدى في مصر شوف وقول ايه رايك وسجل معانه http://www.crespo.yourme.net ولو انته عايز تبقى مشرف اعمل 30 مساهمه بس دا عرض لمده رمضان ويوم العيد هيتلغى ياله سجل

  31. حنين قال:

    ممكن اقولك حاجه كمان تخليك تكون احسن
    انك متتاخرش علينا فى الكتابه اوى كده
    انا مستنيه موضوعك الجديد بقالى كتير
    يلا بقى يا على كفايه تاخير…..يارب التاخير يكون خير

  32. علول الصريح:
    عشان عاوزك تبقى أحسن :(” تعالى ندردش مع بعض شوية”)
    أنا لو مش عارف إنك جريء وقادر إنك تواجه ومبيهمكش من الناس مكنتش كتبت أدام الكم الكبير ده من الناس بس يلا !!!! ربك يستر
    أولا يا حبيب قلبى علشان تبقى كويس يا ريت الأول تحدد إنك عاوز تبقى كويس فى إيه يا ترى عاوز تبقى كويس علميا ولا خلقيا يا ترى عاوز تبقى متميز فى مجال الكتابة؟؟؟؟ يا ترى شايف نفسك معارض صايع وعاوز تجاهد ضد نظام الحكم ولا عاوز تبقى واد حبوب وتعلق أكبر قدر من البنات ولا عاوز تبقى كاتب كبير ولا عاوز تبقى رمز من الرموز الخالدة فى الكلية وتخلد فيها ولا عاوز تبقى مطنش وتقضيها حشيش وسجاير ورا مبنى الكلية وتقضيها لعب كورة ورسم وتهييس بالنهار وزى ما بتقول تنفييس عن نفسك وكلام تليفونات بالليل ……!!!!!!
    إنت حيرتنى فيك يا على يمكن احترت أكتر لما قربت منك !!!!
    كلامك بيقول شىء وتصرفاتك بتقول شىء تانى بتحاول تبقى طول الوقت أكتف بس فى نفس الوقت بحس إنك كسلاااااااااان موت بتحب تبقى متعاون ومساعد بس إنت عاجز حتى عن إنك تساعد نفسك عندك شراهة كبيرة للبنات و بتديهم كل مقلب والتانى والغريب إنك بعد كده بتقول عليهم إخواتك وصحابك !!!!!
    إنت عارف يا واد يا على أكتر حاجة لمستها فيك إيه :
    إنت أقرب قرار ممكن تاخده إنك تلغى القرار اللى قبله
    معندكش إستعداد إنك تبذل ولو شوية جهد بسيط
    نفسك مش طويل ومعندكش الصبر إنك تكمل
    مشتت نفسك فى ألف وادى وبتحارب فى أكتر من جبهة
    أسهل شخص ممكن تأذيه هو على صريح نفسه
    معندكش إحساس بالوقت …مش عارف تستغل وقتك كويس
    متناقض …..فى إيه بتقول إنك بتحارب الفساد وبتنتقد رأس السلطة فى مصر وفى نفس الوقت بتتباهى بعلاقاتك فى الكلية والمحسوبيات والكوسة اللى بتتكوس لك (الله أعلم إن كان ده كدب منك ولا رضا بأمر إنت طول الوقت حاسس إنك رافضه)!!!
    بحس أوقات كتيرة إن حياتك عايشها صدفة اليوم بيومه معندكش رؤية ولا تصور إيه اللى ممكن يحصل
    عاوز حاجات كتييييييييييييييرة أوى وفى نفس الوقت ما بتتحركش ولو خطوة بسيطة عشان تحقق أحلامك
    بتطلب النصيحة من غيرك وفى نفس الوقت بتترفع عنها مدعيا بذلك إنك عارف وبتنسى إن أكبر عيب إنك تبقى عارف وساكت عن نفسك كده………..
    أنا دلوقت بقيت فى لخبطة وفى حيرة فى أمرك وأنا على تمام اليقين إنك برضه محتار فى نفسك أكتر من حيرتى فيك….
    بس كل اللى أقدر أقولهولك علشان عاوزك تبقى أحسن:
    أهم حاجة تفوق من حالة اللخبطة والفوضى اللى إنت فيها دى وتعرف إنت مين وعاوز إيه وإيه أهدافك وتخطط لها كويس وتبدأ تاخد خطوات جدية فى كده
    يار يت تبدا صفحة جديدة تهتم بيها بنفسك وبمظهرك وبكلامك وبأسلوبك وتحافظ على وقتك وعلى صحتك وتبطل شرب وهلس وصياعة وتركز فى دراستك وتبدا تكتشف الواقع من حواليك من جديد وتعرف إن كل حاجة بتتغير بسرعة ولازم تتغير إنت كمان وتدور لك على أصول وثوابت تقف عليها وتتيقن منها وتختار لك نبراس ينوزر لك طريقك ويا ريت يكون النبراس ده إنك تقرأ لأهل الثقة كتاب وعلماء ومفكرين وتمسح بأستيكة كل الشخبطة اللى حواليك وخصوصا أصدقاء السوء وتفرمط دماغك من جديد وتشوفلك قدوة تقتدى بيها أو مثل أعلى تطمح إنك تكون زيه وتعيد ترتيب أوراقك من جديد وتشوف الصح وتعمله وتحاول تبعد عن الغلط قدر المستطاع وكل فترة تمسك الورقة والقلم (مش عيب) وتحدد مكاسبك وخسايرك وإيه اللى أنجزته وإيه لسة وتركز فى دراستك ….ما تنساش يا على إنه فات من عمرك سنتين ….مش هتعرف قيمتهم غير لما تكبر وتتخرج وتعرف إنهم هيفرقوا معاك كتير خالص …بس مش مهم …ركز إنت كده وإتكل على الله وإنوى التغيير …وإتقرب من ناس تقدر تساعدك على كده …وفكر كويس قبل أى خطوة تخطيها
    وعلى العموم ربنا يوفقك
    يا ريت تفكر فى كلامى كويس يا على إنت عارف والله أنا يهمنى مصلحتك وربنا يرزقنى الإخلاص فى الكلمتين اللى كتبتهم واللى ممكن ما تسمعش زيهم تانى
    وإن كنت طولت عليك أو قولت حاجات ما ينفعش اقولها ما تزعلش منى المهم إنت عارف إنى عاوزلك الخير وبعزك والله يا ماااااااااان
    ومين يعرف ….ربنا يهدينا ويهديك يا ولد الصريح
    سلاااااااااام يا زعيم
    أخوك : خالد بدرة
    ملحوظة : لو زعلت إبقى إطلع على المشاية وإتعامل مع نفسك بقى هناك بقى زى ما تحب

  33. مرمر قال:

    اسفه انى ادخلت فى الكلام انا مش اعرف الشخص اللى انتوا ببتكلموا عنه بس من كلامكم فى حاجتين نفسى اقوله يغيرهم اولا السجاير بجد لازم تبطلها بجد هى كانت سبب فى وفاة بابا وتانى حاجه موضوع البنات لازم بجد تغيروا عشان ربنا يرزقك بانسانه تصونك وميحصلش لو فى يوم اتجوزت وجبت بنت ربنا يردلك اللى بتعمله عشان كما تدين تدان وقرب من ربنا

  34. alisarieh قال:

    اولا انا بشكر الكل ولو علي السجاير فمعاكي حق بس البنات بقي انا مش بعمل حاجه غلط اكيد يمكن اختلاف الاراء قفي الصداقات شويه بس

  35. ----- قال:

    هو انا مش اعرفك وشوفت المدونة دى بالصدفة
    لكن كنت عايزة ارد

    اهم حاجة علاقتك بربنا
    ( الحلال بين والحرام بين وبينهما مشتبهات )

    يعنى انت مش محتاج ان حد يقولك ايه الصح من الغلط
    انت محتاج تقف قدام نفسك وتعرف الصح وتعمله وتعرف الغلط وتبعد عنه

  36. alisarieh قال:

    رد قصير اوي بس مقنع جدا الف شكر لمن لا تعرفني وحاولت المساعده
    مشكوره

  37. alisarieh قال:

    تسيت ارد عليك يا خالد معلشي بس يمكن انت قلت حاجات مش فيا وحاجات فيا مش ينفع تتقال لانها اسرار
    بس في المضمون انت حبيبي وكلامك زي الفل
    ولا حول ولا قوه الا بالله

  38. The dream قال:

    انا اول مرة الحقيقة اقرأ كلام خالد بدرة ولاقيت ان في حاجات كتييييير فعلا فيك شكله عارفك وقريب منك اوووووووي

    بس ينفع انت تقولنا انت عايز نفسك تبقي ازاي؟
    يعني نفسك تكون ازاي؟
    ايه الاحسن اللي انت شايفه ليك؟
    راضي عن نفسك ولا لا؟
    راضي علي اللي عملته واللي بتعمله واللي ناوي تعمله؟
    جه يوم حسيت انك زهقان اوي من الحياة اللي انت معيش نفسك فيها؟
    جه يوم حسيت انك نفسك تكون عكس ماانت تماما؟
    جه يوم اتمنيت انك مش تكون الانسان اللي انت عليه الوقتي؟

  39. alisarieh قال:

    اها انا ممكن اقولكم اللي عاوزين تعرفوه
    انا عاوز ابقي ظابط مليش في الحاسبات
    نفسي اكون كويس في نظر الناس
    الاحسن اني مبقاش محط لكلام اي حد عاوز يطلع اشاعه
    راضي عن نفسي كتير اوي الحمد لله بس ناس كتير بيظلموا من غير ما يفهموا حاجه

    لو قصدك علي البنات والسجاير وخلافه فانا مش بزهق لانها مش حياه دي حاجه طبيبعيه بتحصل لاي حد بيصاحب الناس مش هتفرق بقي بنات من ولاد

    لا خالص بس الناس هي اللي تتغير
    اها اوقات لما بقابل عقول مؤمنه تماما انهم مش بيغلطوا

  40. خالد بدرة قال:

    يا علوة ……..مالك ياجميل …أنا شايفك عامل ضجة على الفاضى !!! أظن الناس الكويسة دى كلها قالت لك نصائح بما فيه الكفاية وخدها نصيحة مخلصة من صديق وأخ (” إبعد عن البنات خالص”) هما اللى خرجوا ابونا أدم من الجنة وهما أكبر الفتن وهما اللى بوظوا أعصابنا وهما أساسا سكة الفشل بعينها
    مفيش واحدة تستاهل إن أى شخص يضيع من وقته دقيقة واحدة علشان يفكر فيها …. كبر دماغك خالص ونفض لهم … وركز فى مستقبلك وبص للعالم من حواليك ياريت ما تفضلش واقف مكانك وغيرك بيجرى وسيبك من التفاهات دى سواء بنات أو سجاير أو خلافه (” وأظن إنت عارف خلافه”) وحاول تكون حاجة ومتستناش العطف من حد
    كونك إنك تنشر صفحة زى دى بتحسسك طول الوقت إنك محتاج لنصايح اللى حواليك اللى إنت فى نمفس الوقت بتدعى إنك عارفها
    إنت لو عاوز تتغير صح إمسح ماضيك ده كله بأستيكة وعيش فى حدود يومك كأنك إبن اليوم بس كإنك عمرك يوم واحد وحاول تعمل كل اللى تقدر عليه فى اليوم ده وأظن إنت أخدت نصائح بما فيه الكفاية ….وأنا عارف إنك مش محتاجها
    ونصيحة اخيرة لك وليا كمان حاول تنام كويس وبلاش تطبق عشان أعصابك
    تصبح على خير يا علوة

  41. diro قال:

    ازيك يا علي

    انا شايفه انك كده كويس اه هوا ياريت تبطل سجاير لانه غلط علي صحتك

    اما حكايه البنات دى هوا اكيد انت عارف انت بتتعامل معاهم ازاى ومفهمهم ايه واكيد يوم ماتحب هاتحب واحده بس

    والهزار بتاعك مش اوفر ولا حاجه انا شايفه ان هزارك جميل جدا ومفيش فيه اى مشاكل

    بس اكيد انت ادرى واحد بنفسك ولو شايف ان فيه حاجه وحشه فيك ياريت تغيرها

  42. the moon قال:

    بص ياعلي انت بصراحة انسان كويس جدا وفيك مميزات كتيره جدا
    المشكله فيك انت مش في الناس الي حواليك هما صحيح ماثرين عليك بس لو قعدت مع نفسك وفهمت نفسك صح هترجع لعلي صريح
    متحطش كلام الناس في دماغك اعمل الصح وسيبك من كلامهم
    وربنا يوفقك

  43. مصطفى قال:

    اولا السلام عليكم
    بالنسبه للتغير علشان تريح نفسك هات ورقه وقلم واقعد ادام مرايه واعتبر نفسك بتكلم واحد صاحبك قاعد ادامك واكتب اللى انت شايفه غلط فيه بالترتيب
    وبكده يبقى انت عرفت المشكله فين
    نيجى للحل بقى
    1-اعرف مين السبب فى اللى انت فيه ده
    2- ابعد عنه وده اهم حاجه
    3-ابدا بحل كل نقطه انت كتبتها فالورقه واللى انت تنجزه او تعرف تحله اكتب جنبه علامه (صح)وخليها واحده واحده هاتلاقى فالاخر الورقه كلها علاماااااااااااااااات (صح) والله الموفق وطبعا لازم رضا الله والاستعانه به ورضا الوالدين وكل سنه والكل بخير وصحه وسلامه وانا اميلى ahmednet_ahmed@yahoo.com

  44. secret_girl قال:

    بصراحه مش لاقيه حاجه اقولهالك
    غير
    اتق الله حيثما كنت واتبع السيئة الحسنة تمحها وخالق الناس بخلق حسن

    بتمنالك التوفيق
    سلام

  45. man_OF_love قال:

    صاحبى .. و أخويا .. و الانسان الى حاسس و عارف أنه جدع و كويس اوووى من جواه

    كل اللى انصحك بيه ” أعرف أنت عايز أيه , و لازم يكون عندك دايما اتزان نفسى تعرف تفصل بين الامور ,

    أعرف أزاى تسيطر على نفسك , و أعرف ازاى تبقى بتاعك مش بتاع حد تانى ”

    بس كده .. و فى كل الاحوال ( ” أتمنالك السعادة و التوفيق و ان ربنا يكرمك و تكون مصدر سعادة و بهجة أسرتك .. و أن ربنا ينولك كل اللى تتمناه .. و اللى تحبها تكون من نصيبك ” ) .. سلام

  46. خادمه الرحمن قال:

    عاوز تغير نفسك؟!
    اوك
    تغير نفسك ليه؟!
    حدد اللى انت عاوز تتغير علشانه وحطوا قدام عينيك
    وشوف كل لما تتغير هاتقرب منه قد ايه ولو فضلت زى ما انت هاتفضل بعيد عنه ازاى

    من الاخر اعمل لنفسك هدف عيش علشانه واعمل اى حاجه علشان توصله
    والله هى مشكلتك ان انت مش عارف انت هاتعمل ايه بعد كده
    لو عرفت حاجات كتير هاتتغير

    وفى الاخر احب اقولك سيبك من كلام الناس ومن اللى بيقولوه عنك سواء قدامك او وراك
    اسمع لاصحابك اللى اوى واكيد ليك حد مقرب اوى بتستريح معاه
    هو ده اللى تسمعلّه لانه مش هايحاول يإذيك

    ياريت كلامى يكون خفيف عليك ويكون افادك ولو 5%
    وفى الاخر ليك منى سلامى

  47. alisarieh قال:

    شكرا علي الردود الحلوه دي كلها منتظر منكم المزيد

  48. AboAbdAllah قال:

    مساء الخيييييييييييييييييييييييييييييييييير عليك يا عم على
    يارب دايما تكون احسن
    بس على فكرة اللى زينا احنا كده
    احسن كتيييييييييييييييييييييييييييييييييييييييييير
    اهم حاجه تبقى الحياة حلوة
    اخوك
    ابو عبد الله

  49. مش هتفتكرني قال:

    تعرف يا لولي اكتر حاجه بتعجب البنات فيك ايه؟؟؟؟؟؟؟؟؟
    انك دايما بتبيع فيهم وبتقلبهم وهما بيفكروه تقل
    وبردو لما بتتكلم معاهم بتبقي حنين اوي وطيب اوي فيحبوك
    طيب نعمل ايه بقي وانت كلك علي بعضك حلو؟؟؟؟؟؟؟؟
    بيتهيالي انتحر وخلاص لانك مش هتخلص من البنات

  50. الاسطوره قال:

    هههههههههههههههههههههههههههههه
    هو خلاص لولي بقي ماركه مسجله علي العموم مش مشكلتنا
    حلو تحليلك لحب البنات ليا بس خلونا نخرج بقي من المنطقه دي انا الحمد لله مرتبط ومستقر نفسيا
    ويعني الموضوع خلصان
    اللي تفضل عايشه في الوهم بقي بيتهيالي لا تلوم الا نفسها
    وبلاش الجو ده بحس اني صحفي وانا برد بلا بنات بلا بتاع

  51. lana قال:

    يا بني ارحمنا

    انت ليه دايما محسسني انك بتتمنظر و بتتشرف بالاخلاق دي

    عموما كل انسان ادرى بنفسه …
    انت عارف ايه اللي فيك تصلحه

    و ربنا يهدي يا علي

  52. الاسطوره قال:

    مع اني مش فاهم حاجه يا لانا الا اني عارف انتي عاوزه تقولي ايه وخانك التعبير شكرا يا لانا المسج وصلت

  53. Mody.Farouk قال:

    والله يا علي انت زي العسل بحسك راجل بس فيك شوية حاجات محبش اشوفها فيك

    انا اولا لسه طالب في الفرقة الاولي

    بص يا سيدي

    انت كده مية مية

    بس ستايل شعرك الجديد ده مش طالع عليك لا شكلاً ولا موضوعاً يا ريت تخلي شعرك كده عادي يعني متلعبش فيه كتيير كده يبقي احسن

    وانت كويس يعني مش شايفك كلمة كده مش عاوز اقولها عالنت

    بص يا معلم

    زي ما مكي قال

    ما تحاولش تبقي اي حد تاني غير نفسك

    بجد عيش نفسك بس متقلدش حد

    • الاسطوره قال:

      هههههههههههههه
      بالنسبه لشعري انا مبقلدش فيه حد انا بس بحب التغير ممكن بكره تيجي تلاقيني ع الزيرو بس مش حته اهتمام بشعري ولا مظهري
      حكايه تجديد مش عاوز اعيش في قالب واحد عاوز اغير من نفسي بس
      واوعدك انك مش هتلااقيه قريب اوي اقرب مما تتصور

  54. Mody.Farouk قال:

    ومتستغربش اني دخلت في الحوار مع اني متكلمتمتش معاك بصفة شخصية

    بس انا معظم الناس الي مصاحبها

    كبيرة ومخلصين كلية وفيهم ناس متجوزه كمان

    وحاسس اني فاهمك وفاهم انت ازاي

    يعني ممكن اقولك شوية حاجات فيك كده

    انت يا علي من جواك كويس وشخصية جميلة جداا جداا جداا

    بس مش عارف تخرج ده للناس

    يعني عاوز تعيش يومك بقدر الامكان وده الي مخليك بتقع في مشاكل كتيير

    زي البنات مثلا وشرب السجاير كتيير ( يعني زي الي بيقول ايه يا عم حد واخد منها حاجة انا افكر في بكرة ليه ما دام النهارده موجود وعايشين اهه )

    وفيه شوية حاجات كده ابقي اقولهالك المرة الجاية بس بعد الفاصل

    • الاسطوره قال:

      كلام جميل جدا جدا
      مقدرش اقول فيه اي حاجه ميرسي علي المرور واتمني انك تكلمني في الكليه علشان اشوف اللي فاهمني كويس ده

  55. nour قال:

    شوف ياعلى انا موش اعرفك اوى بس حاسة انك شخصية حلوة وفيك مميزات كتير
    واكيد لو فيك عيوب ف دا عادى جدا فكلنا بشر ولازم نغلط إحنا موش ملايكة بس المهم إنك تعرف عيوبك وتحاول تصلح من نفسك واعتقد ان مافيش يعرف عيوبك غيرك انت
    ربنا يوفقك يارب

  56. NO ONE قال:

    انا مش هقولك حاجه لان الوحيد اللى ممكن يغيرك هو على صريح
    انت بتنصح ناس كتير اوى وبتحللهم مشاكل اكتر
    لو فكرت فى نفسك شويه او قعدت قاعدة صفى مع نفسك
    صدقنى هتتغير للاحسن وانت الوحيد اللى عارف ايه هو الوحش اللى فيك وايه الاحسن اللى عاوز توصله
    بس دا اللى اقدر اقوله
    وفى الاخر ربنا يوفقك يارب دايما

  57. Ahmedn1 قال:

    بص يا على
    انت عارف انك صاحبي و انت من الناس اللى انا اخدت بالى منهم اول ما دخلت الكلية من شهرتك الواسعة بسم الله ما شاء الله
    انا مش بحسد انا بقر بس
    هههههههههههههههههههههههههه
    بص يا سيدي
    انا هقولك حل حلو خااااااااااااااااااااااااااااالص هيسهلك الموضوع اوى

    ما تعملش الحاجة اللى لو انت شفت واحد تانى بيعملها هتقول عليه كلام وحش

    اشطة ؟
    اظن ما فيش اسهل من كده

  58. Ahmedn1 قال:

    زعلان ليه بس ؟

    • الاسطوره قال:

      يا عم انت لا بتسال ولا بتعبر وعامل اوف لاين ومبتتكلمش
      عبرنا يا عم اللي اغتنوا يعملوا كده ولا ايه
      ولا علشان مشربش حلاوه انك طلعت الاول علي الكليه لتاني سنه علي التوازي يا موس

  59. NO ONE قال:

    طب ليه القر دا قول ما شاء الله واسكت

  60. اهم حاجة عشان تكون كويس صلى وعرف ربنا وشوف ربنا هيعملك اية بجد والهى صدقونى ومش تنسو تدعولى الهم بلغت الهم فشهد

  61. dmohy قال:

    ربنا يوفقك يا على

أضف تعليق

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

You are commenting using your WordPress.com account. تسجيل الخروج / تغيير )

Twitter picture

You are commenting using your Twitter account. تسجيل الخروج / تغيير )

Facebook photo

You are commenting using your Facebook account. تسجيل الخروج / تغيير )

Google+ photo

You are commenting using your Google+ account. تسجيل الخروج / تغيير )

Connecting to %s